Бүгүн "Ак шумкарлар" Палестина курама командасына каршы ойнойт

Бүгүн, 2-сентябрда Бишкек шаарындагы Дөлөн Өмүрзаков атындагы стадиондо футбол боюнча Кыргыз улуттук курама командасы "Үч улут Кубогунун" алкагында Палестина курамасына каршы ойнойт.

Башкы машыктыруучу Александр Крестинин бул оюндарда көбүрөөк жаш футболчуларга басым жасап, бир нече футболчулар улуттук курамадагы алгачкы оюндарын өткөрүү алдында турат.

Оюн Бишкек убактысы боюнча саат 20:30да башталат.

Ал эми 7-сентябрь күнү ушул эле "Үч улут Кубогунун" алкагында "Ак шумкарлар" Бангладеш курама командасына каршы ойнойт.

Автор: Азат Бейшенбеков