"39 миң долларын алган". Ошто 24 жаштагы келин жарандарды ири суммадагы акчага алдап кеткен деп шектелүүдө

Ош шаарында жарандарды ири өлчөмдөгү суммага алдап кетти деген шек менен 1997-жылы туулган келин кармалды. Бул тууралуу Ош ШИИБинин басма сөз кызматынан билдиришти.

Маалыматка ылайык, шектүү М.А. өзүн Ош шаарындагы "Алтын-Темир" жоопкерчилиги чектелген коомдун жетекчиси катары (текшерүүдө мындай коом таптакыр жок болуп чыккан) тааныштырып, жарандардан ири суммадагы акча каражаттарын алып, ай сайын ал акча көбөйүп турарын убадалап, бирок бербей жашырынып жүргөн.

"Бүгүнкү күндө Ош ШИИБинин Ак-Буура милиция бөлүмүнө бул келиндин үстүнөн 2 арыз келип түшкөн. Арыздануучулардын биринен 30 миӊ доллар, экинчисинен 39 миӊ долларын алып из жашырган. Андан сырткары жакындарынан дагы ушундай алдоо жолу менен көп суммада акча алгандыгы аныкталып жатат. Ага жакындары арыз жазуудан баш тартышкан. Жазылган арыздар боюнча сотко чейинки өндүрүш иши ачылган. Шектүү убактылуу кармоочу жайга 28-августта киргизилип, Ош шаардык соту тарабынан 28-сентябрга чейин абакта калтырылган.

Алгачкы тергөө амалдарынын жүрүшүндө, шектүү алынган акчаларды "Кыргыз-Каганат" аттуу ишканага жана конкреттүү бир адамдын атына которгондугун билдирген. Текшерүү учурунда аталган ишкана жана аты аталган адам таптакыр болбогондугу аныкталган. Бүгүнкү күндө жалган билдирүү жасагандыгы үчүн кошумча иликтөө жүргүзүлүүдө. Ош шаардык ички иштер башкармалыгы кимде-ким бул келинден жабыркаган болсо, төмөндөгү 0552-15-25-42, 03222-6-64-04 номерлерине чалууну өтүнөт", - деп жазылат маалыматта.

Автор: Айсалкын Качкынбекова

13:33 02-09-2021

Жазылуу

РУБРИКАДАГЫ СОҢКУ КАБАРЛАР

10:50 2025-05-25 | Спорт

Алыш белбоо күрөшү боюнча курама Индиядагы Азия чемпиондугунда 23 медаль жеңди 139 0

10:04 2025-05-25 | Коом жана турмуш

Көкөмеренге балык уулоого кетип дайынсыз жоголгон жаранды издөө уланууда 273 0

09:16 2025-05-25 | СОТТУК ИШТЕР

Ош шаарынын казысы Мирланбек Токтомушев үй камагына чыгарылды 862 0

08:55 2025-05-25 | Коом жана турмуш

Дүйнөлүк валюталардын сомго карата учурдагы наркы 502 0

20:31 2025-05-24 | Кылмыштар, кырсыктар

Бишкекте 1-топтогу майып кызды 20 жаштагы жигит зордуктап кеткендиги айтылды 2049 0

19:20 2025-05-24 | Маданият, шоу-бизнес

"Бактылуу жар болоюн деп камындым". Ырчы Алтынай тойго кызуу даярдык көрүүдө (видео) 3409 0

Архив

Комментарийлер (4)

Dembele84

2021-09-02 14:11:54

Кыйраткан иштерман адам болуп папкасын колтугуна асып алганын кара шумшуктун!

Zumrudianka

2021-09-02 14:37:26

Dembele84,пака эмес лапшагон тетрады экен

Jacob.

2021-09-02 14:19:04

30 мин долларды кантип бироого ишенип бересин? Карангылыктан чыгып бутпой койдук го..

Eduard71

2021-09-03 11:47:15

Jacob.,Ошого менда тан калам да. тааныбаган эмес таанышына азыркы заманда 30 сомду ойлонуп бересин,анан кандай эле тааныбаган эле немеге 39 мин доллар кармата салышат. тооба

Комментарий калтыруу үчүн өз ысымыңыз менен кириңиз же каттоодон өтүңүз.