Бишкек мэриясы шаардыктарды таштанды жана кургак чөп өрттөбөөгө чакырат

Акыркы убактарда өрт кырсыктары байма-бай катталып жаткандыгына байланыштуу Бишкек мэриясы шаардыктарга кайрылуу жасады. Анда борбор калаанын жашоочуларын тилсиз жоого алып келүүчү негизги себептердин бири болгон таштанды жана кургак чөптү өрттөбөөгө чакырат.

"Урматтуу шаардыктар! Чөптөрдү өрттөбөгүлө. Бул нерсе өрт кырсыгына алып келиши ыктымал.

Бишкек мэриясынын санитардык-экологиялык инспекциясы ар күнү шаардын санитардык абалын жакшыртуу, шаар чөйрөсүн жашылдандыруу боюнча иштерди алып барып келет.

Мурдагы күнү шаардагы булгаары завод тараптагы Веселой көчөсүндө кургак чөп өрттөнүп жатат деген билдирүү келип түштү. Биз ал жерге жетип барып, жакынкы турак үйгө жайылып кетүү коркунучу бар аймактагы чөптүн күйүп жатканына күбө болдук.

Бир күндөн кийин ошол эле аймактагы Хвойной көчөсүндө кургак чөпкө өрт коюшкан. Өрт жашоочулардын бакчасына жайылган. Кырсыктын алдын алуу үчүн Свердлов районунун инспекторлору менен Өзгөчө кырдаалдар кызматы болгон күчү менен өрттү өчүрүүгө жардам беришти. Ал жерде бир турак үй толугу менен күйүп, адамдар жабыркашы мүмкүн эле.

Урматтуу шаардыктар жана ишкерлер! Сураныч, турак үйлөрдүн жана кеңселердин айланасындагы тазалыкка көңүл бургула. Таштанды таштабагыла жана өрттөбөгүлө. Борбор калааны жакшыртуу эрежелерине ылайык биз баарыбыз өз айланабыздагы 10 метр тилкенин тазалыгын камсыз кылууга милдеттүүбүз", - деп жазылат билдирүүдө.

Ошондой эле мэрия айтылган эрежени бузгандар үчүн жарандык жактан 7 миң 500 сом, юридикалык жактан 23 миң сом өлчөмүндө айып пул салынарын эскерткен.

Автор: Жанбулат Жумабеков

14:11 02-09-2021

Жазылуу

РУБРИКАДАГЫ СОҢКУ КАБАРЛАР

15:52 2025-06-09 | Коом жана турмуш

Баткенде мыйзамсыз ижарага берилген жер мамлекетке кайтарылды 58 0

15:39 2025-06-09 | Кылмыштар, кырсыктар

Баткенде 38 жаштагы аял асынган абалда табылды 214 0

15:30 2025-06-09 | Коом жана турмуш

"Натыйжа кайда?.." Бишкектин мэри Жунушалиев Депо-3тү текшерди 159 0

15:27 2025-06-09 | Түркүн дүйнө

"Гарри Поттер" сериалынын жылдызы Том Фелтон Драко Малфойдун ролуна кайтып келет 111 0

15:15 2025-06-09 | Кылмыштар, кырсыктар

Бишкекте 19 жаштагы жоокер өз жанын кыйды 461 0

15:14 2025-06-09 | Түркүн дүйнө

Роналду "Аль-Насрда" калууну пландап жатканын билдирди 210 0

Архив

Комментарийлер (1)

Amai

2021-09-02 18:36:55

ШЫЛТОО ТАПАГЫЛА КОП ЖУРНАЛИСТ ИДИРИС ИСАКОВ ОРТОНГОН БАК ДАРАКТАРДЫ АЙТПАГАНДА УНЧУКПАЙ РЕАКЦИА КЫЛБАЙТ ЭЛЕНЕР ИТКЕ МИНГЕНДЕР ЖИПКЕ МИНГЕНДЕР ДЕГЕН ВИДЕО РОЛИГИН ТАРТПАГАНДА.

Комментарий калтыруу үчүн өз ысымыңыз менен кириңиз же каттоодон өтүңүз.