Интернетте талкууга алынган жаш балбан кыз бүгүн Айсулуу Тыныбекова менен байланышат

Интернет айдыңында талкууга алынып жаткан жаш балбан кыз бүгүн, 2-сентябрь күнү Айсулуу Тыныбекова менен байланышат. Бул тууралуу SUPER.KG порталына балбан кыздын апасы Зарина Миршакирова билдирди.

"Биздин үч кыз, бир уулубуз бар. Күрөшкөн кызым Жасмин экинчиси. Ал күрөшкө 7 жашынан баштап катыша баштаган. Жасмин учурда 9 жашта. Талкууга алынган видео 31-августта Эгемендүүлүк күнүнө карата уюштурулган иш-чарада Кочкор-Атада тартылган. Кызым ошол жактан күрөшкөн.

Айсулуу Тыныбекова менен бүгүн саат 18:00дө байланышабыз. Буюрса, бүгүн кечинде же эртең кызым болуп шаарга барабыз", - деди Зарина Миршакирова.

Буга чейин Айсулуу Тыныбекова жаш балбан кызга багыт көрсөтүп, жардам берүүгө даяр экенин билдиргени кабарланган.