Айдоочулар уктап кеткенден көп болот. Жалал-Абадда 7 айда жол кырсыгынан 76 жаран каза болгон

Жалал-Абад облусунун аймагында 7 айда 329 жол кырсыгы катталып, анын кесепетинен 76 жаран каза болгон. Бул тууралуу облустук жол кыймылынын коопсуздугун камсыздоо бөлүмүнөн билдиришти.

ИИМдин Жол кыймылынын коопсуздугун камсыздоо башкы башкармалыгы унаа кырсыктарынын негизги себептерин дагы айтып өттү.

Алар:

- Эң биринчиден адамдык факторлор, башкача айтканда, айдоочулардын көбү жолдо өзүн алып жүрүү маданиятын сактабагандык.

- Айдоочу уктабай же болбосо эс албай жолго чыгуусу.

- Катуу ылдамдыкта айдоо.

- Карама-каршы тилкеге ошол учурдагы жолдогу кырдаалды эске албай чыгуусу.

"Андан сырткары соңку учурларда адам өмүрү кыйылган жол кырсыктары негизинен өз убагында эс албай, уктап кеткендиктен болуп жатат", - жазылат маалыматта.

Автор: Айсалкын Качкынбекова