"Салмагы 40 килограмм". Тажикстанда ашкабак фестивалы болуп өттү

Тажикстандын Худжанд шаарында жүзүм, ашкабак, коон жана дарбыз фестивалы өттү. Фестивалга Деваштич районан келген багбан Хашим Обидов салмагы 40 килограмм болгон чоң ашкабактарды алып келген. Бул тууралуу Тажикстандын жергиликтүү маалымат каражаттары жазып чыгышты.

Фермердин айтымында, ал ашкабактын үрөнүн үч жыл мурун Орусиядан алып келген. Быйыл ашкабактын түшүмү мол. Бир жыл мурун бул фермер республикалык ашкабак фестивалында 51 килограмм салмактагы ашкабакты тартуулап, ашкабак өстүрүүчүлөрдүн арасында биринчи орунду алган. Быйыл дыйкан 90 килограмм салмактагы ашкабак өстүрүүгө жетишти. Бирок аны Ходженд фестивалына алып келген эмес, анткени ашкабак Дүйшөмбүдө өтө турган фестивалга жөнөтүлгөн.

Жергиликтүү бийлик жүзүм, ашкабак, коон жана дарбыз фестивалында бул фермерди жеңүүчү деп жарыялап, ага акчалай сыйлык тапшырылган.

Автор: Жолдубек Качкынбаев