Бишкектеги Улуттук китепканада Маалымат жана басма сөз күнүнө карата тегерек стол өтөт

Бишкектеги Улуттук китепканада 5-ноябрда Маалымат жана басма сөз күнүнө карата бир нече иш-чара өткөрүлөт. Бул тууралуу 4-ноябрда Маданият, маалымат жана туризм министрлигинин басма сөз кызматынан билдиришти. Маалыматка ылайык, 5-ноябрда саат 15:00дө “Кылым басылмасы: Кыргызстан басмасына 100 жыл” аттуу китеп көргөзмөсү ачылат. Анда кыргыз журналистикасынын түптөлүшү жана өнүгүүсү тууралуу китеп, журнал, сүрөттөр коюлат. Массалык маалымат каражаттарынын өнүгүүсү менен маселелерин талкуулаган тегерек стол саат 16:00дө башталат. Маалымат жана басылма күнүнө карата концерттик программа саат 18:00дө башталат.

Автор: Айпери Ганыжан кызы