Кыргыз өлкөсү - Палестина беттешинде эс-учун жоготкон палестиналык машыктыруучу ооруканада дарыланууда

2-сентябрда орун алган Кыргыз өлкөсү - Палестина беттешинде стадиондо эс-учун жоготкон Палестина курамасынын дарбазачыларынын машыктыруучусу Бишкектеги ооруканалардын биринде дарыланууда. Бул тууралуу Кыргыз футбол союзунан кабарлашты.

Билдирүүгө ылайык, учурда машыктыруучунун абалы туруктуу. Ал кечээ, 5-сентябрда өткөн Палестина-Бангладеш беттешинде стадионго келди.

Кыргыз өлкөсү - Палестина беттеши 1:0 эсебинде "Ак шумкарлардын" жеңиши менен аяктаган.

Автор: Азат Бейшенбеков
Фото: Азат Бейшенбеков