Ошто көп кабаттуу үйдө калып, жардамга муктаж болгон мүмкүнчүлүгү чектелген аялга жардам көрсөтүлдү

Ош шаарында ден соолугунун мүмкүнчүлүгү чектелген аялга куткаруучулар тарабынан жардам көрсөтүлдү. Өзгөчө кырдаалдар министрлигинен маалымдашкандай, жарандын батиринин эшиги бекилип калган.

Маалыматка ылайык, Анар кичи районундагы батирлердин биринде ден соолугунун мүмкүнчүлүгү чектелген аял кишинин эшиги жабылып калгандыгы тууралуу үй комитетинен билдирүү келип түшкөн. Жерине 4 куткаруучу тартылып, альпинисттик шаймандардын жардамы менен бекилип калган батирге кирип, бузулган кулпусун оңдоп беришти. Үй ээси медициналык жардамга муктаж болгон жок.

Автор: Бактыгүл Момбекова