Парламентте айрым депутаттардын телефонун тыңшоо боюнча маалымат угулуп жатат

Бүгүн, 8-сентябрда парламентте айрым депутаттардын телефонун тыңшоо боюнча маалымат угулуп жатат.

Ички иштер министринин орун басары Эркебек Аширходжаев бул тууралуу маалымат берди. "Ички иштер министрлигинин тергөө кызматы катталган кылмыш иши боюнча сотко билдирүү жөнөтүлүп, айрым адамдардын телефонун тыңшоого 6-февралдан 13-февралга чейин уруксат берилген. Андан кийин бул уруксат улантылган эмес. Азырынча тергөө амалдары бүтө элек, тергөө жүрүп жатат. Ошондуктан дыкат айтып бере албайм", - дейт ал.

Автор: Жылдыз Джускембаева