Молдовада кайрадан карантиндик чектөөлөр киргизилди

Молдовада эпидемиологиялык абалдын начарлашына байланыштуу кайрадан карантинтик чектөөлөр киргизилди. Бул тууралуу аталган өлкөнүн маалымат каражаттары жарыялады.

Жаңы чектөөлөргө ылайык, жашоочулар түнкү клубдарга, кинотеатрларга, концерттик залдарга жана башка маданий иш-чараларга вируска каршы эмделгендиги тууралуу сертфикаттын же антителонун бар экендигин тастыктаган сертификаттын негизинде гана киргизилет.

Карантиндик чектөөлөр 30-октябрга чейин уланары кабарланды.

2 жарым миллиондон ашык калкы бар Молдова өлкөсүндө акыркы аптада вируска чалдыккандардын саны 26 пайызга өскөн. Алардын 80 пайызы коронавируска каршы эмдөө албагандар экендиги айтылган.

Автор: Жанбулат Жумабеков