Ооганстанда аялдардын спорт менен алектенүүсүнө тыюу салынганына карабай футбол боюнча кыз-келиндер курамасы Исламабадга барды

Ооганстанда "Талибан" кыймылы аялдардын спорт менен алектенүүсүнө тыюу салынганына карабай, футбол боюнча кыз-келиндер курамасы Пакистандын борбору Исламабадга барды. Бул тууралуу чет элдик басылмалар жазышты.

Азырынча Ооганстандын футбол боюнча кыз-келиндер курамасы Пакистанга эмне себептен барганы белгисиз. Ушул жылдын аягында Австралиядагы мелдешке катышмак. Бирок "Талибан" кыймылы оогандык спортчу кыз-келиндер эч кандай мелдештерге барбай турганын билдирген.

Буга чейин "Талибан" кыймылы ооган аялдарынын спорт менен алектенүүсүнө тыюу салгандыгы кабарланган.

Автор: Азат Бейшенбеков