АКШнын мурдагы президенттери Ооганстандын элине жардам көрсөтүү үчүн бириккени айтылды

АКШнын мурдагы президенттери Жорж Буш, Билл Клинтон жана Барак Обама ооган качкындарына жардам көрсөтүү үчүн бир уюмга биригишти. Бул тууралуу чет элдик басылмалар жазып чыгышты.

Маалыматка ылайык, АКШнын 3 лидери жана алардын жубайлары ооган качкындарына жардам берүүнү максат кылган коммерциялык эмес уюмдарда жана "Америкага кош кел" аталышындагы бирикмеде иш алып барышат.

"Миңдеген Ооган жарандары коопсуз дүйнө үчүн болгон күрөштө биз менен бирге турушту. Эми алар биздин жардамга муктаж. Биз "Америкага кош кел" бирикмесин жана оогандыктарга жардам кылуу боюнча иштерди колдогонубузга сыймыктанабыз. Меймандостук жана жоомарттык биздин өлкөнү улуу кылып турган негизги нерселердин бири экендигин ооган бир туугандарыбызга жана бүткүл дүйнөгө көрсөтүүгө даярбыз", - деп айтылган Жорж Буш жана анын жубайынын билдирүүсүндө.

Ал эми 14-сентябрда ачылган "Америкага кош кел" сайтында "Ооганстанга жаңы коңшуларыбызды көчүрүүгө бардык өлкөнүн катышуусу талап кылынат. Ошондуктан экс-президенттер жана биринчи айымдар биздин катарга кошулду", - деп жазылган.

Ошондой эле аталган бирикме Америкадагы "Microsoft" баш болгон бир катар чоң компаниялардын жана 280ден ашык жеке демөөрчүнүн колдоосуна ээ экендиги айтылган.

Эске салсак, буга чейин Бириккен улуттар уюму дагы Ооганстанга 1 миллиард доллар өлчөмүндө акча каражатын бөлөрүн билдирген.

Автор: Жанбулат Жумабеков

06:30 16-09-2021

Жазылуу

РУБРИКАДАГЫ СОҢКУ КАБАРЛАР

17:57 2025-05-18 | Түркүн дүйнө

Сомалиде жанкечтинин жардыруусунан кеминде 11 киши набыт болду 277 0

17:23 2025-05-18 | Түркүн дүйнө

Зеленский менен АКШнын вице-президенти жылуу учурашышты (видео) 622 0

16:35 2025-05-18 | Коом жана турмуш

Өлкөдө 1200дөн ашык аялга Эне даңкы медалы берилет 357 0

16:28 2025-05-18 | Коом жана турмуш

Өлкө боюнча 1413 аял Баатыр эне ордени менен сыйланат 320 0

16:07 2025-05-18 | Коом жана турмуш

Мурдагы өкмөт башчы Сапар Исаковго чыгарылган сот өкүмү жокко чыкканы айтылууда 1223 0

15:36 2025-05-18 | Коом жана турмуш

Боом капчыгайы беш күн жарым-жартылай жабылып турат 350 0

Архив

Комментарийлер (3)

ali88

2021-09-16 06:40:06

Элдин балдары кыйын дегендей эле...
Элдин экс-президенттери кыйын,биригип,манты шерине да ойношсо керек, биздикилер болсо бири-бирин жамандап бүтө албай келишет, өкүнүчтүү...

Akjol18

2021-09-16 08:51:57

Кой биздикилер бирикпей эле койсун,бириксе эле пикет анан төңкөрүш кылып жиберишет.Тынч эле олтуруп туралычы.

Akjol18

2021-09-16 08:53:05

Бириге калгандар чай ичкени топтолгону деле 2күндөн бери сурактан башы чыкпай убара

Комментарий калтыруу үчүн өз ысымыңыз менен кириңиз же каттоодон өтүңүз.