"Үмүт бар экенине ишенсек, бул кырдаалдан чыгабыз". "BTS" тобунун мүчөлөрү БУУнун сессиясында максаттары тууралуу айтышты

Түштүк кореялык популярдуу “BTS” тобунун мүчөлөрү Бириккен улуттар уюмунун Башкы ассамблеясынын 76-сессиясында жакырчылык, теңсиздик, адилетсиздик жана климаттын өзгөрүшү сыяктуу глобалдык көйгөйлөрдү чечүүдөгү өз максаттары тууралуу айтышты. Мындай маалымат аталган уюмдун Твиттер баракчасына жарыяланды.

“Биз глобалдык көйгөйлөргө, экономикалык кризиске дуушар болдук жана күбө болдук. Ал эми мындай учурда биз азыркы болуп жаткан окуяларга көз жумуп, бир орунда карап тура албайбыз. Эгерде баарыбыз үмүт бар экенине ишенсек, анда бул кырдаалдан чыгуунун жолун таба алабыз”, - деп билдиришкен топтун мүчөлөрү.

Буга улай эле “BTS” тобунун БУУнун Нью-Йорктогу штаб-квартирасында "Permission to Dance" аттуу ырына тартылган клиби иш-чаранын жүрүшүндө көрсөтүлгөн.

Мындан тышкары Түштүк Корея лидери Мун Чжэ Ин аталган топко корей маданиятын дүйнө жүзүнө жайылтканы үчүн ыраазычылык билдирген.

“Мен силердин k-pop жана корей маданиятын активдүү пропагандалоо менен Корея өлкөсүнүн даражасын көтөрүп жатканыңарга ыраазымын”, - деген ал.

Айтмакчы, 14-сентябрда расмий аземдин жүрүшүндө өлкө башчысы “BTS” тобу президенттин элчиси болуп дайындалгандыгы тууралуу күбөлүктү, ошондой эле 199 өлкөгө визасыз чыгууга уруксат берген дипломатиялык паспортту жана белек катары сыя калемди тапшырган.

Белгилей кетсек, аталган топтун мүчөлөрү БУУнун президентинин келечек муундар жана маданият үчүн атайын өкүлдөрү.

Автор: Айпери Бакталбек кызы

20:13 21-09-2021

Жазылуу

РУБРИКАДАГЫ СОҢКУ КАБАРЛАР

17:57 2025-05-18 | Түркүн дүйнө

Сомалиде жанкечтинин жардыруусунан кеминде 11 киши набыт болду 277 0

17:23 2025-05-18 | Түркүн дүйнө

Зеленский менен АКШнын вице-президенти жылуу учурашышты (видео) 622 0

16:35 2025-05-18 | Коом жана турмуш

Өлкөдө 1200дөн ашык аялга Эне даңкы медалы берилет 357 0

16:28 2025-05-18 | Коом жана турмуш

Өлкө боюнча 1413 аял Баатыр эне ордени менен сыйланат 320 0

16:07 2025-05-18 | Коом жана турмуш

Мурдагы өкмөт башчы Сапар Исаковго чыгарылган сот өкүмү жокко чыкканы айтылууда 1223 0

15:36 2025-05-18 | Коом жана турмуш

Боом капчыгайы беш күн жарым-жартылай жабылып турат 350 0

Архив

Комментарийлер (3)

TIMON_BERKOWITZ

2021-09-21 21:22:18

Булар эркектерби же кызтекелерби?

alimbek94

2021-09-21 21:59:16

Корея молодец. Абдан билимдүү, өнүккөн, эмгекчил максаттуу элдер. Канчалаган кыргыздар ошол жактан иштеп күн көрүп келе жатышат. Корея, Европада бизге окшоп бирөөнүн жеке жашоосун, жеке мамилесин ушак кылышпайт.

Mister-XXX

2021-09-22 19:43:49

alimbek94,Ушул нерсени биринчи өзүңдөн баштасан.Ар бир коментарийиңде бирөөнү сындап,ушактап эле жүрөсүң.Же менин айтканым жалганбы?

Комментарий калтыруу үчүн өз ысымыңыз менен кириңиз же каттоодон өтүңүз.