Мурдагы акыйкатчы Турсунбек Акун III даражадагы "Манас" ордени менен сыйланды. Мындай маалыматты SUPER.KG порталына Турсунбек Акун өзү тастыктады.
"Бул сыйлык эгемендүүлүктүн 30 жылдыгына карата эгемендүүлүктү алып келген инсандарга берилет. Мурункусунда бул сыйлыкты Роза Айтматова алыптыр. Негизи мага сыйлык 2016-жылы эле берилмек. Ал убакта Алмазбек Атамбаев менен пикир келишпестиктер болуп жүрүп берилбей калган. Ал эми Сооронбай Жээнбеков бергенге үлгүрбөй, Садыр Нургожоевич берди. Эмгегимди баалагандарына рахмат", - деди Турсунбек Акун.
Турсунбек Акун Борбор Азия боюнча адам укуктары конгрессинин координатору, Кыргыз өлкөсүнүн укук коргоо кыймылынын төрагасы.