Ошто турак үйдөн чыккан өрт май алмаштыруучу күркөгө, коңшу үйгө да жайылды

Ошто турак үйдөн чыккан өрт коңшу үйгө да жайылды. Өзгөчө кырдаалдар министрлигинен кабарлашкандай, өрт кечээ, 22-сентябрда чыккан.

"Нөөмөт бөлүмгө саат 19:48де турак үйдөн өрт чыккандыгы туралуу маалымат түштү. Өрт жакын жайгашкан имаратка өтүп кеткени кабарланып, үч өрт өчүрүүчү бөлүм тартылды. Саат 20:10до өрт чектөөгө алынып, 21:13тө толук өчүрүлдү.

Өрттүн кесепетинен тунуке менен жабылган турак үйдүн 25 чарчы метр аянты, чатыры жана 6 чарчы метр май алмаштыруучу күркө күйдү. Мындан тышкары жакын жайгашкан коңшу үйдүн 60 чарчы метр чатыры күйдү. Өрттүн себеби учурда такталууда", - дешти мекемеден.

Автор: Бактыгүл Момбекова
Фото: ӨКМнын басма сөз кызматы