Орусияда аялды медициналык кароодон өткөргөн дарыгер анын күйөөсү тарабынан токмоктолду

Орусиянын Нижневартовск шаарынын тургуну аялын медициналык кароодон өткөргөн дарыгерди сабады. Бул тууралуу орусиялык басылмалар жазышты.

Маалыматка ылайык, жоолук салынган бейтап адиске келип текшерүүдөн өткөн. Дарыгер анын колдорун, буттарын жана ашказанын кароодон өткөргөн. Андан кийин аялдын күйөөсү бөлмөгө кирип келип дарыгерди ур-соккуга алган.

Дарыгер жергиликтүү басылмаларга билдиргендей, буга чейин бейтаптарды текшерүүдө мындай кыйынчылыктар пайда болгон эмес.

"Мен мында таң калычтуу эч нерсе көргөн жокмун, мен шаарда бир нече жылдан бери иштейм, бейтаптарга карата мамиле баарына бирдей. Текшерүү үчүн мен анын колун, бутун, ашказанын көрсөтүүсүн сурандым", - деген дарыгер.

Анын айтымында, бейтап ачууланып, мындай кылуу туура эмес экенин айткан. Дарыгер нормалар баарына бирдей деп жооп берген.

"Жарым сааттан кийин күйөөсү "сен аялдардын курсагын караганды жакшы көрөсүңбү?" деп кабинетке кирип келип, башка эч нерсе дебей мени сабай баштады. Менин практикамда бычак менен да келип коркуткан күндөр болгон. Бирок бул жолу сүйлөшүүгө да мүмкүн болгон жок",- деген дарыгер.

Дарыгердин айтымында, бейтап өзү шаардагы клиникалардын биринде медайым болуп иштейт. Ал окуядан кийин эч ким аны менен байланышууга аракет кылбаганын белгиледи - кол салуучунун өзү да, аялы да. Бирок полиция жаракаттарды - баш мээси чайкалганын жана сыйрылганын жазып алган. Азыр укук коргоо органдарынын кызматкерлери текшерип жатышат, анын жыйынтыгы боюнча кол салуучуга административдик укук бузуу иши же кылмыш иши козголору белгилүү болот.

Аялын текшергендиги үчүн дарыгерди ур-токмокко алды

Автор: Айзада Кыдырмышева

16:52 24-09-2021

Жазылуу

РУБРИКАДАГЫ СОҢКУ КАБАРЛАР

17:57 2025-05-18 | Түркүн дүйнө

Сомалиде жанкечтинин жардыруусунан кеминде 11 киши набыт болду 523 0

17:23 2025-05-18 | Түркүн дүйнө

Зеленский менен АКШнын вице-президенти жылуу учурашышты (видео) 981 0

16:28 2025-05-18 | Коом жана турмуш

Өлкө боюнча 1413 аял Баатыр эне ордени менен сыйланат 427 0

16:07 2025-05-18 | Коом жана турмуш

Мурдагы өкмөт башчы Сапар Исаковго чыгарылган сот өкүмү жокко чыкканы айтылууда 1645 0

15:36 2025-05-18 | Коом жана турмуш

Боом капчыгайы беш күн жарым-жартылай жабылып турат 417 0

15:15 2025-05-18 | Түркүн дүйнө

ХАМАСтын Газа тилкесиндеги лидеринин сөөгү туннелден табылды 1852 0

Архив

Комментарийлер (2)

KG-312

2021-09-24 19:28:31

Ошон үчүн аялды аялдар текшергени жакшы. Милиция кызматкерлери да аял кишини кармаганда аял милициялар жетелеп жүрүш керек.

Erlan_95

2021-09-25 14:24:21

Безграмотный типтер. элементарный нерсени билбейт. Андай мыкты болсо аял врач таап келбейт беле. Идиот. Озун качан олум алдында жатканда тушуносун аял-эркек айырмасы жок, жанымды сактап калса экен дее

Комментарий калтыруу үчүн өз ысымыңыз менен кириңиз же каттоодон өтүңүз.