"Уулумдун тоюнда атам деген максатта алгам". Тойдо мылтык менен асманга ок чыгарган окуянын чоо-жайы

Бүгүн, 25-сентябрда Ош облусунун Өзгөн районунда тойдо мылтык менен бир нече ирет асманга ок чыгарган окуя катталды. Бул тууралуу видео социалдык тармактарга тарап, анда турак үйдүн короосунда бир нече балдар топтолгонун, алардын бири ок атуучу куралды алып асманга бир нече жолу атып жатканын байкоого болот. Ош облустук ички иштер башкармалыгынан окуянын чоо-жайын кенен айтып, курал Орусиядан алып келингенин белгиледи.

"Текшерүү иштеринин жүрүшүндө 25-сентябрда Кайрат айылынын 38 жаштагы Х.А.С. аттуу тургуну баласын үйлөнтүп жаткан. Үй ээси Орусиядан сатып келген ИЖ-161 ПС үлгүсүндөгү үн чыгарып жарык берүүчү куралды баласынын досу, Өзгөн районунун Зергер айыл өкмөтүнүн Аю айылынын 20 жаштагы А.Ш.А аттуу тургунуна ок чыгаруу максатында берген. Ал эми Ш.А эл топтолгон жерде асманга бир нече жолу ок чыгарган.

Окуя болгон жерге ыкчам тергөө тобу барып кароо жүргүзгөн учурда 2 даана 5,45 мм болгон ок атуучу куралдын гильзасы табылып алынган.

Үй ээси өзүнүн көрсөтмөсүндө Москва шаарында көп жылдан бери иштеп жаткандыгын, Кыргыз жергесине 21 жаштагы баласын үйлөндүрүү максатында 6-сентябрь күнү келгенин билдирген. "Той өткөрүп жатканда асманга ок чыгарайын деген оюм бар болчу, мындан улам куралды сатып алгам. Сатып аларда уруксат керекпи деп сурагам, сатуучу АК74 ок атуучу куралга эч кандай уруксат кагаздары кереги жоктугун билдирген. Үн чыгаруучу автомат дегенинен кызыгып, баламдын тоюнда асманга атам деп болжол менен 32 миң рублга сатып алгам. Аэропорттон эч кандай тоскоолдуксуз коё берген.

Бүгүн уулумдун дос балдары Ош шаарында боло турган тойго кетип жатышкан, үйүмдүн короосунда ок атылсын деп автоматты алып чыктым. Ок чыгарып бүткөндөн кийин мен автоматты үйгө алып кирип бекитип койдум" деп билдирген", - дешти мекемеден.

Азыркы учурда сотко чейинки өндүрүш иши боюнча далил буюм катары алынган ИЖ-161 СХ-АК74М 5,45х39 20816834 үлгүсүндөгү үн чыгарып жарык берүүчү куралга соттук баллистикалык экспертиза дайындалып, текшерүү иштери жүргүзүлүүдө.

Автор: Бактыгүл Момбекова
Фото: Ош ОИИБ

20:31 25-09-2021

Жазылуу

РУБРИКАДАГЫ СОҢКУ КАБАРЛАР

20:31 2025-05-24 | Кылмыштар, кырсыктар

Бишкекте 1-топтогу майып кызды 20 жаштагы жигит зордуктап кеткендиги айтылды 1205 0

19:20 2025-05-24 | Маданият, шоу-бизнес

"Бактылуу жар болоюн деп камындым". Ырчы Алтынай тойго кызуу даярдык көрүүдө (видео) 2383 0

18:31 2025-05-24 | Маданият, шоу-бизнес

"Сахнада 20 жыл". Ырчы Мирбек Атабековдун жыйынтыктоочу концерти аншлаг менен өттү (видео) 1276 0

18:00 2025-05-24 | Маданият, шоу-бизнес

Блогер Арген Асановдун апасы казак кызына ак жоолук салды (видео) 3228 0

17:04 2025-05-24 | Саясат

Баткен шаарындагы кирпич заводдун жери жеке менчиктен мамлекеттин балансына өттү 806 0

16:36 2025-05-24 | Коом жана турмуш

Улакчы Манас Ниязовго кытайлык кыз сезимин билдирди (видео) 3951 2

Архив

Комментарийлер (17)

Jacob.

2021-09-25 20:58:26

Атасы далбаев турбайбы корсо..
АК74 автоматын кандай эле аэропорттон унчукпай коё беришет, керек болсо газовый пистолетти зоорго откорушот го.

+19

Datka7777

2021-09-25 21:54:52

Jacob.,списания охолощенное оружия деп турат

-1

Nursul

2021-09-25 22:45:42

Jacob., Өткөрөт документ жагы жайында болсо эчким эч нерсе кылбайт. Болгону куралдарды алып өтөрү менен МВДга каттоого турасың.

ayzhan12

2021-09-26 00:08:13

Nursul,
Мындай жоруктарды токтотпосо чечендер, талибтерге окшоп каада салтка айлантып алышат кыргыздар. Курал атканды коюп чимкиригин тыңыраак тазалап алышпайбы жаштар.

+10

bond02

2021-09-25 21:08:36

40 жашка келсе да атасына акыл кире элек турбайбы, биринчиден калп айтып аэропорттон жон эле откорду дебе, экинчиден тоюнда эмес мекенди коргоого кереги тийеби деп алгам дебейсинби.

+11

baisogur

2021-09-25 21:47:39

Булда бир шишип кеткен бирода

+13

Perfekt

2021-09-25 22:34:35

Аэропорттон откорбойт.

Nurlan1982

2021-09-25 22:36:08

Жон эле журбойсунбу,курал менен ойношпой,асманга атып эми муйуз чыктыбы,же балана шак чыктыбы.

+13

Nursul

2021-09-25 22:43:05

Биздин өлкөдө жаштар арасында чоңдор арасында да жиндилер көбөйө баштады.

+12

nazira...

2021-09-25 23:20:35

38 жашта болсо өзү өтө жаш үйлөнүп, баласын да жаш эле үйлөп жатат экен да. Анысы аз келгенсип мылтык атканын. Мылтык эмне ушуда эле бар бекен, бекиткендин ордуна, тоба.

KG-312

2021-09-26 00:22:26

nazira..., Баласы 21 жашта болсо, анда 16 жашында үйлөнүп, 17 жашында балалуу болгон экенда.

Datka7777

2021-09-26 01:30:47

KG-312,21де эмес 2001-жылы туулган

Jibani

2021-09-25 23:41:53

Тойдо ок чыгарган жаны Канада салт ойлоп Таба башташканбы?

Nura03

2021-09-26 00:56:57

Кыпкызыл эле жинди атасы барго, тооба.

suban78

2021-09-26 06:18:48

Жакшы тилек кылсан го, уйундо ок атылганынын эмнеси жакшы. Жакшылык болсун деп тилебейсинби. Эртен башкалар замбирек менен ата башташат эми далбандар

nurdan2018

2021-09-26 18:52:47

Уйдо ок атылбаш керек .
Бирок.
деген жери барда
Ар бир кыргыз эркектин уйундо курал болуш керек деп ойлойм.
Кыргызстан коп улуттуу олко
Туштук региондо тажик мн озбектердин
Ар биринин уйундо курал бар.
Буга чейинки болгон окуялар буга далил

Zumrudianka

2021-09-27 04:24:08

Тойдо атам деп ниет кылган киши кок мээ экен. Бир куну жаш балдары же неберелери ойносо тообо кылдым.

Комментарий калтыруу үчүн өз ысымыңыз менен кириңиз же каттоодон өтүңүз.