Ошто 3 турак үй күйүп, 2 аял күйүк алды. Бири 52, бири 27 жашта

25-сентябрда Ош шаарында 3 турак үйдөн өрт чыкты. Кырсыктын кесепетинен 2 аял киши күйүк алды. Бул туурасында ӨКМнын маалымат кызматынан кабарлашат.

Белгилүү болгондой, Амир-Тимур кичи районунун Беш-Капа көчөсүндө жайгашкан турак үйдөн өрт чыккан. Өрт жакын жайгашкан турак үйлөргө өткөндүгүнө байланыштуу өрттү өчүрүүгө 7 бөлүм, 1 штаб, ыкчам топ тартылды. Өрт саат 19:53тө чектөөгө алынып, саат 22:20да толук өчүрүлдү.

"Өрттүн кесепетинен 2 аял киши (1969-жылы туулган жана 1994-жылы туулган) күйүк алышып, медициналык жардам жеринде көрсөтүлдү, учурда абалдары канааттандырарлык.

Өрттүн аянты болжол менен 360 чарчы метрди түздү. Өрттүн себеби жана материалдык чыгымдар такталууда", - дешет мекемеден.

Автор: Бактыгүл Момбекова
Фото: ӨКМнын басма сөз кызматы