Нурайым Азыкбаева: "Мүнөзүм, өжөрлүгүм, келбетим дагы атамды тарткан"

Мукам үндүү ырчы, скрипач, элибиздин сыймыктуу кызы Нурайым Азыкбаева маектешибиз болду. Ачык-айрым, шаңдуу айым менен ар кыл темада баарлаштык. Чыгармачылыгынан тышкары каарманым ата-энесинин сүйүүсү, кыздарынын таланты, бактылуу көз ирмемдери, кыйынчылыктары тууралуу айтып берди.

"Атам экөөбүз абдан жакынбыз.Үй-бүлөдө менин мүнөзүм, өжөрлүгүм, келбетим дагы атамды тарткан. Агам, инилерим келбеттүү, алар апамды тартышкан (күлүп). Ооба, мен атамдын кеңешчисимин. Экөө эки ажырым жолдо жүргөндө атама "биз чоңойдук, силер деле токтолдуңар болуш керек, жарашпайсыздарбы" деп агам экөөбүз айтканбыз. Андан кийин ата-энелерибиз да ойлонушту окшойт. Кийин кайра баш кошуп, азыр сонун жашап жатышат. Жашоодо өйдө-төмөн болот. Мен да башымдан өткөрдүм дейт", - Нурайым Азыкбаева.