Автобекет, базар, аялдамада... Чылым чегүүгө тыюу салынган жайлардын тизмеси

Бүгүн, 28-сентябрда президент Садыр Жапаров коомдук жайлар менен мекемелерде чылым чегүүгө тыюу салган мыйзам долбооруна кол койду.

Ага ылайык, белгилүү бир жайларда тамеки, электрондук чылым жана кальян чегүүгө толугу менен чектөө киргизилди.

Аталган мыйзамдын 13-беренесинде кайсы жерде чегүүгө тыюу салынары жазылган.

Ар бир орган жана мекеменин жетекчилери бул мыйзамдын аткарылышын көзөмөлдөөгө милдеттүү.

Чылым чегүүгө тыюу салынган жайларды аныктоо жана белгилерди коюу тартибин Саламаттыкты сактоо жана социалдык өнүктүрүү министрлиги иштеп чыгат.

Төмөндө чылым чегүүгө тыюу салынган жайлардын тизмеси:

Ведомствонун жана менчигинин түрүнө карабастан подъезддерде, лифттерде, аянттарда, дааратканаларда, көп кабаттуу үйлөрдүн жалпы колдонуучу жайларында;
Жаштар, маданият жана спорт иштери боюнча мекемелерде, социалдык кызматтардын имараттарында, стадиондордо;
Темир жол жана автобекеттерде;
Калкка кызмат көрсөтүүчү жайларда, анын ичинде мейманканаларда, тиричилик тейлөө, коомдук тамактануучу жайларда, убактылуу тургузулган соода объектилеринде;
Мамлекеттик жана жергиликтүү өз алдынча башкаруу органдарына тиешелүү имараттарда;
Имараттарда жана курулмаларда уюштурулган жумуш орундарында, жумушчу зоналарда;
Өрт чыгуу коркунучу бар жерлерде, анын ичинде күйүүчү май куюучу жайларда;
Коомдук тамактануу жайларында (түйүндөрдө);
Коомдук транспортто, анын ичинде таксиде, суу жана аба кемелеринде, жергиликтүү жана алыс каттамдагы поезддерде;
Ведомстволугуна жана менчигинин түрүнө карабастан бардык билим берүү уюмдарында, балдардын эс алуу жайларында, балдар аянтчаларында;
Ведомстволугуна жана менчигинин түрүнө карабастан бардык саламаттык сактоо уюмдарынын мекемелеринде;
Реабилитациялык жана санаторий-курорттук кызматтарды көрсөтүүгө арналган жайларда;
Калкка соода кызматтары көрсөтүлүүчү имараттарда, курулмаларда жана жабык базарлардын аймактарында;
Аялдамаларда;
Тамеки чегүү үчүн атайын жайларды кошпогондо массалык-маданий, спорттук иш-чараларды, акцияларды, чогулуштарды өткөрүп жатканда ачык аянтчаларда, пляждардын аймагынын чектеринде.

Аталган жайларда чылым чегүүгө ылайыкталган шарттарды түзүүгө да тыюу салынат. Бир гана аэропорттордо өрт жана авиация коопсуздугунун талаптарын сактап, желдетүү системаларын коюу менен атайын бөлмөлөрдү уюштурууга болот.

Автор: Алина Айдарбекова

23:40 28-09-2021

Жазылуу

РУБРИКАДАГЫ СОҢКУ КАБАРЛАР

18:00 2025-07-02 | Коом жана турмуш

"Сиз берген садака кызым үчүн шыпаа, өзүңүз үчүн сооп болсун..." 4 жашар Эркеайым жардамга муктаж (видео) 20 0

17:59 2025-07-02 | Коом жана турмуш

"Сөксөңөр да кайылмын". Бишкектин вице-мэри агынан жарыла пост жазды (видео) 66 0

17:56 2025-07-02 | Бизнес-Инфо

Биздин мекендештер Орусияда кантип насыя алышат? Бул мүмкүнбү? 62 0

17:53 2025-07-02 | Түркүн дүйнө

Песков: "Орусия Азербайжанды эч качан коркуткан эмес" 125 0

17:42 2025-07-02 | Түркүн дүйнө

Испанияда токой өртүнөн 2 адам каза болду 77 0

17:28 2025-07-02 | Түркүн дүйнө

Иран АКШнын соккулары өлкөнүн өзөктүк объекттерине олуттуу зыян келтиргенин моюндады 209 0

Архив

Комментарийлер (3)

alym21

2021-09-29 07:12:53

Ырас болуптур, оздору ууланганы аз келгенсип,элди кошо уулашат.

Asyl.jazi

2021-09-29 17:58:39

Тамеки тарткан адам ошол тамекинен 20 пайызын, жанындагы адамдар 80 пайыз жабырын тартат деп угуп жүрөм. Эми тамеки тартып жатат коомдук жайларда деп интернетке чыгара берсек болот, болбогон эле видео, сүрөттөрдү чыгарбай.

Asyl.jazi

2021-09-29 17:59:41

Мыйзамды бузгандарга кандай чара колдонулат болду экен?

Комментарий калтыруу үчүн өз ысымыңыз менен кириңиз же каттоодон өтүңүз.