Депутаттар менен жолугушууда ыйлап жиберген Дүрдананын учурдагы абалы

Депутаттардын алдында сүйлөп жатып ыйлап жиберген Дүрдана Салыкова эсиңизде болсо керек. Ал эл өкүлдөрүнүн алдында “мектептеги укол сайган медайым окуучулардан акча алат” деп орчундуу маселени көтөрүп, сөз баштаганда депутаттар кыздын таамай сүйлөгөнүнө күлүп жиберишкен эле.

Күлкү чыкканда тык токтогон Дүрдана аларды шылдыңдап жатат деп ойлоп, ыйлап, сөзүн андан ары улай албай калган. Бул күнү депутаттар окуучулар менен Балдардын бүткүл дүйнөлүк күнүнө карата жолугушкан болчу.

Бул видео социалдык тармактарга шамалдай ылдамдык менен тарап, кыз интернет жылдызына айланган.

Дүрдана Салыкованын абалын сурап байланышып көрдүк. Анткени жыл башында Дүрдананын денесине без чыгып, анализдери чыкпай жатканын апасы айтып келген.

"Дүрдананын абалы жакшы. Денеме чыккан бездер ооруп калат деп калчу. Азыр айтпай калды.

Кызымды ооруканаларга көп көрсөттүм. Онкологиялык оорулар жок дешти. Аягында бездер эмнеден улам чыкканы боюнча диагнозу деле чыкпай калды.

Тигүүчү болуп үйдө иштеп жатам. Учурда кымбатчылык болуп жаткандыктан, бир аз кыйынчылыктар болууда. Өзүбүз батирде 4 жарым миң сом төлөп турабыз. Күйөөм деле балдарга алимент төлөбөйт", - деди Муслима Жунусова.

Ошол эле учурда Дүрдана менен дагы байланышып, абалын сураганыбызда ал президент Садыр Жапаров менен жолуккусу келгенин айтып өттү.

"Учурда №87 мектепте 7-класста окуп жатам. Сабагым түштө башталат, ага чейин апама жардам берип, үй жумуштарын аткарам.

Сабактарым жакшы. Орус жана англис тил сабактарынан кыйналып жатам. Алгебра китебим жок. Президент Садыр Жапаров менен жолуксам, ага бере турган суроолорум бар болчу", - деди Дүрдана.

Бирок президентке кандай суроолору бар экендигин бизге ачыктаган жок.

Автор: Айжанар Рыспек кызы

10:45 29-09-2021

Жазылуу

РУБРИКАДАГЫ СОҢКУ КАБАРЛАР

20:03 2025-06-08 | Коом жана турмуш

Эстрада ырчысы Алтынай Асанбекова турмуш жолуна аттанды (видео) 1544 0

17:23 2025-06-08 | Түркүн дүйнө

UFC чемпиону Двалишвили Трамптын алдына чөгөлөдү (видео) 2565 0

16:10 2025-06-08 | Түркүн дүйнө

Журналисттерге Украина аскерлеринин сөөктөрү көрсөтүлдү (видео) 2940 0

15:45 2025-06-08 | Коом жана турмуш

Белгилүү фотограф Эржан Кадырбеков уулдуу болду 1241 0

15:30 2025-06-08 | Коом жана турмуш

Кара-Сууда асфальт жана бетон өндүрүүчү ири завод ишке кирди (видео) 1088 0

15:05 2025-06-08 | Түркүн дүйнө

Индияда дүйнөдөгү эң бийик темир жол көпүрөсү ишке киргизилди (видео) 1676 0

Архив

Комментарийлер (4)

jaskaaa

2021-09-29 11:21:06

Азамат ооруба. Жакшы окуу

+13

Dembele84

2021-09-29 11:53:58

Президенттен жардам эле керек ошол.

-8

Shabi

2021-09-29 16:13:36

Dembele84,президентти ошол жардам бериш учун президент.Даканса деп артынан журуп,пахта койуш учун президент эмес.Президент мамлекетибиздин ар бир жарааны учун жоопту.

muslima-0788

2021-09-29 20:37:05

Бул озбек кыз беле?

Комментарий калтыруу үчүн өз ысымыңыз менен кириңиз же каттоодон өтүңүз.