"Мышык ыйлагыдай". Бокс боюнча улуттук курама команданын машыгуучу залы авариялык абалда (фото)

Бокс боюнча Кыргыз улуттук курама командасынын бокс залы, тагыраагы "Спартак" спорт комплексинин абалы мышык ыйлагыдай. Бул тууралуу SUPER.KG порталына аталган залда машыгып жүргөн мушкер, бир нече эл аралык турнирлердин жеңүүчүсү Нурсултан Мойдунов билдирди.

"Спартак" спорттук залы бир нече жергиликтүү, эл аралык турнирлерде жана улуттук чемпиондуктарда жеңүүчү болгон. Мен дагы бокс боюнча спорт чеберимин. "Спартак" - бул менин экинчи үйүм, анда менин жаштыгым өткөн, ал жерде мен спортчу катары эле эмес, чыныгы эркек катары да чоңойгом. Ошондуктан мен бийликтин көңүлүн бул көйгөйгө бурууга аракет кылам. Учурда залдын абалы таптакыр аянычтуу, мышык ыйлагыдай десек болот. Тез арада капиталдык оңдоо талап кылынат. Залда спортчулар үчүн эч кандай заманбап шарттар жок, дубалдар урап жатат, чатыры начар. Шыптары бөлүктөргө бөлүнүп, спортчулардын башына түшөт. Бул боксчулардын ден соолугуна жана өмүрүнө коркунуч жаратат.

Учурдан пайдаланып президент Садыр Нургожоевичке кайрылат элем. Урматтуу Садыр Нургожоевич! Сизден Кыргыз Республикасынын бүткүл бокс командасынын атынан биздин экинчи үйүбүзгө көңүл бурууну жана өзүбүздүн спорт залыбызды оңдоого жардам берүүнү суранат элем. Анткени спорт зал дүйнөлүк аренада жыйынтыктарга көз каранды. Биздин спорт залда азыркы жеңүүчүлөр гана машыкпастан, биздин желекти дүйнө жүзүндөгү турнирлерде желбирете турган келечектеги чемпиондордун жаш мууну да машыгат", - деди Мойдунов.

Автор: Азат Бейшенбеков
Фото: Азат Бейшенбеков

16:46 30-09-2021

Жазылуу

РУБРИКАДАГЫ СОҢКУ КАБАРЛАР

23:31 2025-07-13 | Түркүн дүйнө

АКШнын Юстиция министрлиги мурда Трампка карши иштеген кызматкерлерин кетирди 148 0

22:03 2025-07-13 | Саясат

Каналдагы сууга агып кеткен 21 жаштагы жигиттин сөөгү табылды 789 0

19:43 2025-07-13 | Түркүн дүйнө

Израилдин июндагы Иранга болгон соккусунда өлкөнүн президенти жаракат алды 1396 0

19:07 2025-07-13 | Коом жана турмуш

Автобус айдаган аксакал менен жеңил унаанын айдоочусу жакалаша кетти (видео) 1686 0

18:20 2025-07-13 | Коом жана турмуш

Казакстанда жолдошуна экинчи аял алып берген аялдын видеосу тарады 2064 0

18:02 2025-07-13 | Саясат

Сузактагы үйү өрттөн жабыркаган эки үй-бүлө жаңы турак жайлуу болушту (сүрөттөр) 867 0

Архив

Комментарийлер (3)

Antiradikal3

2021-09-30 17:38:10

Мына биздин мамлекеттин спортко болгон салымы... Олимпиада болсо ити да, пити да ээрчип алып барып келишет, бака терек, тал-терегинен бери. Кыйратып коюшкансып. Анан олкодогу спорт комплекстеринин абалын кантип билишпейт? Ошол олимпиадага барган итибай ситибайларга Олимпиададан чакыруу келип тушкондо да Окмоттун эсебинен барышты да, же Япония Окмоту толоп берип же оз чонтогунон барып келиштиби?! Ошол акчага мобул жерди ремонт кылышса болоор эле го?!

Antiradikal3

2021-09-30 17:42:32

Кебетесин карагылачы, коруп жийиркенесин. Ушул кантип болсун. Айыл-шаарларда мынчалык эмес спортзалдар... А бул болсо Бишкек шаарындагы бокс боюнча улуттук команданын машыгуучу залы болсо. Мындай жерде ким машыккысы келсин?! Бокс боюнча дуйнолук ареналарда жарытылуу ийгиликтер корунбойт. Ошонун баарына Окмоттун наплевательский мамилесинен улам болуп жатпайбы? Токиодо орун алып келгендерге Окмот акчалай жана унаа белекке берди, жакшы. А бул комплексти ремонттоого акча жокпу не?!

bond02

2021-09-30 19:29:42

Бул залда тренировка кылмак турсун баргын келбейт го.

Комментарий калтыруу үчүн өз ысымыңыз менен кириңиз же каттоодон өтүңүз.