Лазат Нуркожоева: "Сулууларга таанышуу видеороликти даярдоонун үлгүсүн мен көрсөтүп кеттим, быйыл баары мени туурашты"

Лазат Нуркожоева жана "Кыргызстан сулуусу-2021" сынагынын жеңүүчүсү Алтынай Ботоярова

"Кыргызстан сулуусу-2020" сынагынын жеңүүчүсү Лазат Нуркожоева 30-сентябрда Бишкекте өткөн сулуулар сынагына катышты. "Кыргызстан сулуусу-2021" сынагы баш калаадагы ресторандардын биринди уюштурулуп, анда таажы үчүн 31 бийкеч өз ажарын, талантын көрсөтүштү.

SUPER.KG порталы өткөн жылы бул сынакты жеңип алган Лазат Нуркожоеваны кепке тарттык.

"Быйыл кыздар арасында абдан күчтүү атаандаштык бар экен. Өткөн жылы сынакка катышкан кыздар атаандаш болгонубуз менен абдан ынтымактуу элек. Бул жылы кичинекей кыздар бири-бирине атаандашып жатышат. Өткөн жылы мен таанышуу видеороликти сапаттуу жасап кеткенден кийин быйыл баары роликти даярдоого маани беришиптир. Арасында туурагандар да бар. Көбү менин ролигимди үлгү катары көрсөтүшүп, ушундай болсун деп даярдашкан", - деди Нуркожоева.

Лазат Нуркожоеванын өзүн тааныштырган видеоролиги төмөндө:

Лазат Нуркожоева президент Садыр Жапаровдун бир тууган агасынын кызы. Өткөн жылы өлкө сулуусу наамын жеңип алгандан кийин SUPER.KG порталына маек берген. Ал маекти бул шилтемени басып көрө аласыз.