Беларусь мамлекетинин Бишкектеги элчилигинде бомба бар экени кабарланган. Ичинен жардыруучу зат табылган жок

Беларусь өлкөсүнүн Бишкектеги элчилигинин имараты курчоого алынды. Бул тууралуу Бишкек ШИИББинин басма сөз кызматынан билдиришти.

Саат 17:01 чамасында аталган элчиликтин имаратында белгисиз жарандар "бомба бар" деген маалыматты айтышкан.

Жерине ыкчам-тергөө тобу барган. Кызматкерлер жарандардын коопсуздугу үчүн аларды эвакуацияга алган. Ошондой эле ал жерге УКМКнын кызматкерлери дагы барып, текшерүү иштеринде аталган имараттын ичинен жардыруучу зат табылган эмес.

Бул факты Кылмыштардын жана жоруктардын бирдиктүү реестрине катталган.

Учурда жеринде кызматкерлер иштеп жатышат.

Автор: Айсалкын Качкынбекова