Бүгүн, 3-октябрь күнү Бишкек-Нарын-Торугарт унаа жолундагы Долон ашуусунда жаап өткөн кар аралаш жамгыр жана аба температурасынын төмөндөгөндүгүнө байланыштуу жол тоңголок болуп, 2 жеңил унаа калганы боюнча маалымат келип түшкөн. Бул тууралуу ӨКМдан кабарлашты.
"Министрликтин Нарын облусу боюнча башкармалыктын ыкчам тобу №41 жол тейлөө мекемеси менен биргеликте жардам көргөзүү, ошондой эле ыкчам топ координациялоо иштерин жүргүздү. Жолго кум шагыл себүү иштери жол тейлөө мекемесинин күч каражаттары тарабынан аткарылды", - деп жазылат билдирүүдө.
Мындан сырткары чоң жүк ташуучу унааларды ашуудан чыгаруу иш-чаралары аткарылууда. Учурда жол ачык, тыгындар жок.