Ош-Бишкек унаа жолунда айдоочу рулду башкара албай аңга түшүп кетти. 4 адам жабыркады

Ош-Бишкек унаа жолунда айдоочу рулга ээ боло албай кырсыкка кабылды. Анын кесепетинен 4 адам жаракат алышканын Өзгөчө кырдаалдар министрлигинин маалымат кызматынан кабарлашты.

Токтогул районунун 262-чакырымында (Элдик тилкеси) Хонда Степвагон үлгүсүндөгү жеңил унаанын айдоочусу рулду башкара албай аңга түшүп кеткен.

Унаанын ичинде 7 адам болгон, алардын ичинен 4 адам (3 эркек: 1962-жылы туулган Т.Б., 1986-жылы туулган Б.Т., 1995-жылы туулган А.У. жана 1991-жылы туулган М. кызы А.) ар кандай жаракаттарды алышты. Жерине 5 куткаруучу тартылып, жабыркагандар "Тез жардам" кызматкерлерине өткөрүлдү.

Автор: Бактыгүл Момбекова
Фото: ӨКМнын маалымат кызматы