"Распродажа". Бишкек мэриясынын алдында митинг өтүп жатат

Бүгүн, 4-октябрда Бишкек шаардык мэриясынын алдында митинг өтүп жатат. Анда "Ош базарынын" соодагерлери мыйзамсыз соода-сатык жүргүзүүгө каршы чыгышкан.

"Ош базарынын" айланасында соода жүргүзүп жаткан адамдар биздин соода-сатык жүргүзүүгө тоскоол болууда. Алар салык төлөшпөйт. Унаалардын токтошуна дагы тоскоолдук жаратышат. Сыртта турган 2 соодагер 10 миңдеген мыйзамдуу соода жүргүзгөн сатуучулардын ишине жолтоо болуп жатат. Шаардык мэрия ушундай мыйзамсыз соода-сатык иштерин көзөмөлдөшү зарыл", - деп билдирди митингге чыккандардын бири Күлчакра Таалайбекова.

Автор: Айжанар Рыспек кызы
Фото: Айжанар Рыспек кызы