“Кызыл алма” чыгармасына таасирленген Аскат Мусабеков “Сенин, менин издерим” ырына клип тарттырды

Аскат Мусабеков “Сенин, менин издерим” аттуу ырына клип тартып, күйөрмандарына тартуулады. Клип Ысык-Ата районунун Алмалуу айылында, Сайфудин Мурзаев тарабынан тартылган. Аталган ырды ырчы 2008-жылы жаздырган. Ырдын сөзү, обону Дербишкан Ажиевге таандык.

“Клиптин мааниси айылдагы балалык кездеги сүйүүнү чагылдырат. Тартуу идеясы мага Чыңгыз Айтматовдун “Кызыл алма” чыгармасын окуп, таасирленгенден кийин келди”,- деп ой бөлүшөт ырчы SUPER.KG порталына. Мындан тышкары ырчы 27-28 - ноябрда Ош шаарында концерт бере турганын жана репертуарын да жаңыртып, жаңы ырларды жаздырып жатканын кошумчалайт .