"Нобель" сыйлыгынын медицина тармагындагы лауреаттары аталды

"Нобель" сыйлыгынын медицина тармагындагы лауреаттары аталды. Бул тууралуу чет элдик маалымат булактары жазып чыгышты.

Анда жазылган маалыматка ылайык, окумуштуулар Дэвид Жулиус жана Ардем Патапутянга 2021-жылдагы медицина жана физиология боюнча "Нобель" сыйлыгы берилет.

Алар тирүү организмдердин температураны кантип сезерин изилдешкен. Юлий менен Патапутян мурда биохимиялык реакцияларды козгой турган рецептордук молекулаларды ачышкан. Мунун натыйжасында адамдар жылуу, муздакты сезе алышат.

Дэвид Жулиус 1955-жылы АКШнын Бруклинг шаарында жарык дүйнөгө келген. Сан-Франциско шаарындагы Калифорния университетинде иштейт.

Ардем Патапутян 1967-жылы Ливандын Бейрут шаарында төрөлгөн. Ливандагы Ховард Хьюз медициналык институтунда эмгектенет.

"Нобель" сыйлыгы - илимий, маданий же өзгөчө изилдөөлөрдү жараткан инсандарга ыйгарылат. Сыйлык швециялык химик Альфред Нобелдин наамынан аталып калган. Лауреаттарга тапшырылган медалдар алтындан жасалып, салмагы 175 граммды түзөт.

Автор: Айжанар Рыспек кызы