WhatsApp, Facebook жана Instagram'дын иши глобалдык түрдө үзгүлтүккө учурады, анын себептери жөнүндө эмне белгилүү?

Кечээ, 4-октябрь күнү кечинде Facebook социалдык тармагынын миллиондогон колдонуучулары, ошондой эле Instagram менен WhatsApp тиркемелеринин иштебей калганына даттанышкан. Көптөгөн колдонуучулар социалдык медиа сайттарын жүктөй албай, билдирүүлөрдү жөнөтө алышкан жок, тутумга туташа алышкан эмес жана мессенжерге кире алышкан эмес.

Үзгүлтүккө учуроонун масштабы глобалдуу болуп чыкты: 126 миң адам Facebook'тун, WhatsApp'тын 35 миңден ашык колдонуучусунун, ал эми Instagram'дын 100 миңге жакын колдонуучусунун көйгөйлөрү тууралуу жазышкан. Бул цифралар Downdetector порталында катачылыктар тууралуу кабарлагандар гана: чындыгында компаниянын кызматынан пайдалана албагандардын саны көп.

The New York Times гезитинин журналисти Райан Мак аныктагандай, көйгөй тизмедеги сайттарда гана жаралган эмес. Ал белгилегендей, ички куралдар да, Facebook байланыш платформалары, анын ичинде Workplace да иштебей калган.

Мүмкүн, иштебей калуунун себеби серверлердеги көйгөй болгон.

Facebook Twitter'де бул көйгөйдөн кабардар экенин билдирген: "Биз мүмкүн болушунча тезирээк калыбына келтирүү үчүн иштеп жатабыз жана ыңгайсыздык үчүн кечирим сурайбыз", - деп жазышкан социалдык тармактын өкүлдөрү.

Компания иштен чыгуунун так себебин азырынча атаган жок. Бирок кээ бир эксперттер бул көйгөйгө Facebook колдонгон DNS серверлериндеги көйгөйлөр себеп болушу мүмкүн деп божомолдошот.

Көйгөй, Facebook.com жана Instagram.com табуу үчүн колдонулган DNS жазуулары глобалдык маршрут таблицасынан алып салынышы мүмкүн деп түшүндүрдү Kentik Inc интернет аналитикасынын директору Даг Мадори. "Эгерде Facebook'тун DNS жазуулары жок болсо, аны эч ким таба албайт" деген ал.

SafeNet NTI инженердик борборунун эксперти Игорь Бедеров дагы көйгөйдүн себеби DNS бузулушу деп эсептейт. "Бул колдонуучулар сайттын көрксүз IP дарегинин ордуна тексттик шилтеме дарегин киргизүү үчүн колдонулат. Азыр IP аркылуу өтүү иштеп жатат, бирок домендик аталыш боюнча эмес", - деген Бедеров.