"Навальный, Тихановская жана Грета". "Нобель" тынчтык сыйлыгын кимдер алат?

Бүгүн, 8-октябрда берилүүчү "Нобель" тынчтык сыйлыгына талапкерлердин саны 329 (234 адам; 95 уюм). Бул өткөн жылдагыдан анча жогору болбосо да, сыйлыктын тарыхындагы үчүнчү көрсөткүч. Бул тууралуу чет элдик басылмалар жазышты.

Маалыматка ылайык, фавориттердин арасында эко-активист Грета Тунберг, орусиялык оппозициячыл саясатчы Алексей Навальный жана Беларусь өлкөсүнүн оппозициясынын лидери Светлана Тихановская бар.

Букмекердик кеңселер Навальныйдын, Светлана Тихановскаянын жана Грета Тунбергдин мүмкүнчүлүктөрүн болжол менен бирдей баалашууда.

Мүмкүн болгон талапкерлердин тизмесине Жо Байден, Ангела Меркель жана Билл Гейтс дагы кирет.

"Нобель" сыйлыгы - 1901-жылдан бери илимий, маданий же өзгөчө изилдөөлөрдү жараткан инсандарга ыйгарылып келет. Сыйлык швециялык химик Альфред Нобелдин наамынан аталып калган. Лауреаттарга тапшырылган медалдар алтындан жасалып, салмагы 175 граммды түзөт.

Автор: Айзада Кыдырмышева