Аксы районунда мыйзамсыз сакталып жүргөн сайлуу ок атуучу курал октору менен алынды

Жалал-Абад облусунун Аксы районунда мыйзамсыз сакталып жүргөн сайлуу ок атуучу курал октору менен алынды. Бул тууралуу Жалал-Абад ОИИБинин басма сөз кызматынан билдиришти.

Маалыматка ылайык, сентябрь айынын башында Жалал-Абад облусунун аймагында жаран мыйзамсыз ок атуучу курал сактап жүргөндүгү тууралуу ыкчам маалыматтар алынган.

Алынган маалымат менен катталып, сотко чейинки өндүрүштүн алкагында Аксы районунун 1987-жылы туулган У.М. аттуу тургуну кармалган. Ал мыйзамсыз сактап жүргөн 7,62 калибрлүү "сайга карабин” үлгүсүндөгү сайлуу ок атуучу куралы 20 даана огу менен алынган. Азыркы учурда тергөө амалдары жүргүзүлүүдө.

Автор: Айсалкын Качкынбекова