“Ата Мекен” партиясынын алдында түзүлгөн "Эгемен" коалициясынын катарына кайсы партиялар кирди?

Бүгүн, 9-октябрда шайлоого катышып жаткан партиялардын ичинен “Ата Мекен” партиясы съездин өткөрдү.

Анда “Биз элдик бийликтин, элдик көзөмөлдүн колдоочуларыбыз. Биздин көз карашыбыз, позициябыз бүгүнкү бийликтикинен башкача. Ошон үчүн биз өзүбүздү бүгүнкү бийликке альтернатива деп жарыяладык!”, - деп белгиледи Өмүрбек Текебаев.

Съездде “Ата Мекен”, “Реформа”, “Туран”, “Эгемен Кыргызстан”, “Ак калпак” партиялары, “Каныкей коомдук кыймылы” жана башка өз позициясы бар активдүү жарандардан түзүлгөн “Эгемен” коалициясы “Ата Мекен” партиясынын желеги алдында шайлоого барары белгилүү болду.