Баткенде Одиссей менен Авенсис унаалары сүзүшүп, үч адам каза болду

Баткен облусунун Кадамжай районунда Toyota Avensis менен Honda Odyssey унаалары сүзүшүп, үч адам каза болду. Бул тууралуу Өзгөчө кырдаалдар министрлигинин маалымат кызматынан кабарлашты.

"9-октябрь күнү саат 17:30 чамасында Кадамжай-Айдаркен унаа жолунун 25-чакырымында (Өндүрүш айылы) Toyota Avensis менен Honda Odyssey үлгүлөрүндөгү унаалардын катышуусунда жол кырсыгы катталган. Жол кырсыгына жалпы 10 адам учурап, анын ичинен 3 жаран каза болуп (1 эркек, 2 аял), 7 жаран жабыркаган (5 эркек, 2 аял). Каза болгон эркек адамдын сөөгү Айдаркен жана Кадамжай шаардык ооруканасынын өлүкканасына жеткирилген, ал эми жабыркаган жарандар Айдаркен шаардык ооруканасына жеткирилген", - деп билдиришти ӨКМдан.

Куткаруу иштерине Кадамжай райондук №76 ӨККБдан 3 куткаруучу, "Тез жардам" кызматы жана ИИМдин кызматкерлери тартылган.

Автор: Азат Бейшенбеков