Беш балалуу болгондо аялын өлтүрүп, камактан чыгып келип өз кызын зордуктап... Жумгалдагы окуянын чоо-жайы

Нарын облусуна караштуу Жумгал районунда 54 жаштагы тургун өзүнүн 13 жаштагы кызын зордуктап жүргөнүн Нарын ОИИБи кабарлаган.

Кыздын абалын билүү үчүн SUPER.KG порталы Жумгал райондук социалдык өнүктүрүү башкармалыгынын башчысы Аида Бектургановага байланышты. Анда ал буларга токтолду.

"Кыз учурда Жумгалда эжесинин колунда. Кызга башкармалык тарабынан реабилитациялык жардам көрсөтүлүүдө. Психологдор иштеп жатат. Эми, албетте, жаман окуя болду. Кызга бир аз оор болуп жатат, бирок биз колубуздан келген жардамыбызды берип жатабыз", - дейт Бектурганова.

Башкармалыктын маалыматы боюнча, шектүү 2010-жылы жубайын өлтүргөн деп айыпталып, 16 жылга эркинен ажыратылган.

"Шектүү 2010-жылы үй-бүлөлүк уруш-талаштан улам аялын өлтүргөн. Экөөнүн ортосунда 5 баласы калган. 4 уул, бир кыз. Ошондо азыр зомбулук кылган кызы бир жарым жашта болгон. 5 баланын тең туулгандыгы тууралуу күбөлүгү жок болгон. Мыйзамдуу өкүлү балдардын чоң энеси болуп, ал балдарды өзү багып калган. Чоң энеси балдарды өтө жакшы караган, балдар мектепте окуп, тыкан, таза жүргөн. Ал кезде да биздин карамакта болгон экен. Бирок шектүү киши жазасынын 8 жылын өтөп бүткөн соң чоң эне сотко кайрылып, "мен карып калдым, атасы балдарын өзү баксын" деп тийиштүү документтерди чогултуп, абактан чыгарып алган. Шектүүгө пробация мыйзамы колдонулуп, ошонун негизинде көзөмөлдө болуп келген", - дейт Бектурганова.

Кызды атасы зордуктап жүргөнүн алгач туугандары билишкен.

"Ушул жылы сентябрь айында кызды эжелери Бишкекке алып келип, окууга кийим алып беришмек. Бирок атасы анын шаарга баруусуна каршы болуп жатып араң жөнөткөн. Кыз жолдон эсин жоготкондон улам туугандары аны ооруканага алып барууну чечишкен. Бирок кыз ыйлап, барбай турганын айткан. Ошондо алар себебин сурашканда ал ыйлап, атасынан зордук көрүп жүргөнүн айтып берген. Кызга соттук-медициналык экспертиза дайындалып, анын жыйынтыгында ал зордукталганы аныкталган.

Азыркы учурда кыз мектепке бара элек, балким, шаарга кетип калышы мүмкүн. Себеби ал дарыланууга, ар кандай жардамдарды алууга муктаж. Азыр ошол жагын карап жатабыз. Кыз өзү көп сүйлөбөйт, жоош. Ал мектепте жакшы окуп, тыкан кийинип жүргөн. Ал эми балдардын чоң апасы ооруп Бишкек шаарында.

Шектүүнүн 4 уулунун экөө мектепти аяктаган, бирөө Бишкектеги музыкалык окуу жайда билим алат, бири кыз менен чогуу эжесиникинде. Кыздын атасы намаз окуган, ичимдик ичпеген, айылда трактор айдап, мал багып иштеп жүргөнү белгилүү болду", - деди Аида Бектурганова.

Акылбек Жапаров министрлер кабинетинин төрагасы болобу?

Автор: Айсалкын Качкынбекова

01:00 12-10-2021

Жазылуу

РУБРИКАДАГЫ СОҢКУ КАБАРЛАР

20:31 2025-05-24 | Кылмыштар, кырсыктар

Бишкекте 1-топтогу майып кызды 20 жаштагы жигит зордуктап кеткендиги айтылды 1205 0

19:20 2025-05-24 | Маданият, шоу-бизнес

"Бактылуу жар болоюн деп камындым". Ырчы Алтынай тойго кызуу даярдык көрүүдө (видео) 2383 0

18:31 2025-05-24 | Маданият, шоу-бизнес

"Сахнада 20 жыл". Ырчы Мирбек Атабековдун жыйынтыктоочу концерти аншлаг менен өттү (видео) 1276 0

18:00 2025-05-24 | Маданият, шоу-бизнес

Блогер Арген Асановдун апасы казак кызына ак жоолук салды (видео) 3228 0

17:04 2025-05-24 | Саясат

Баткен шаарындагы кирпич заводдун жери жеке менчиктен мамлекеттин балансына өттү 806 0

16:36 2025-05-24 | Коом жана турмуш

Улакчы Манас Ниязовго кытайлык кыз сезимин билдирди (видео) 3951 1

Архив

Комментарийлер (14)

Luntik

2021-10-11 15:52:52

Айбан!Мал!Бирок мал да баласын мынтип кордобойт,түрмөдө чирисин!

+16

bond02

2021-10-11 16:28:45

Намаз окуп дейби?

+13

Jibani

2021-10-11 16:57:16

Зачееееем намаздын баркын кетирип?олтуруп эле малыш керек мындай атаны

+10

Omyke

2021-10-11 19:12:53

Атууга уруксат бербесе болбой калды Коомубуз тазаланат эле кичине

nazira...

2021-10-11 20:25:11

Байкуш кыз. Тагдырын талкалаган акмак тозокто эмес азыр эле күйсө экен.

TIMON_BERKOWITZ

2021-10-11 23:39:27

Намаз окубай эле кой акмак!

JaneEr

2021-10-12 00:13:13

Жин кирген окшойт атасына балким,Аллах билет.Жин башкарганда адам озун билбей коп кылмышка барышы мумкун...

-1

06021701

2021-10-12 15:46:46

JaneEr,намаз окуган молдого жин тийбейт,ал алланын кулу. Молдо өзү жин чыгарат.

-2

KG-312

2021-10-12 01:33:42

Ош жакта кееде кылмыш болуп маалыматка чыгып калса, "Балеенин баары Ош жакта" деп, бир түндүктүк провакатор жазып жүрчү эле, чье то көрүнбөйтко ошол эл душманы!

mira28

2021-10-12 03:41:53

Намазкой,таксыр,ыймандуу,жакшы киши деп журушкон экен да бул айбанды азыркы билимге жакын молдоке соройлор.Эл чогулуп барып эле самасуд кылып салбаптыр.Аялын олтурсо 10 жылда чыгарабы?Мына сага "Наш гумманый суд".Жалгыз кызын катын кылып анан кантип намаз окуп журду экен.Кыз коргон кордукту элестетип денем дуркуроп кетти.Атам келди деп суйунсо,атасы бир куну устунон баса калса,дагы катынына окшотуп шаарга жонотпой кызганганго ит акмак.

NURSAPAR

2021-10-12 11:47:42

Айланайын Жумгалдыктар, таш бараңга алып өлтүрүп эле салгылачы акмакты.

meni_kut

2021-10-12 12:06:17

Чон энеси да куноолуу экен

-1

Sajakat14

2021-10-13 16:21:19

meni_kut,чоң энеси неберелерине милдеттүү эмес. Картайган кемпирдин өзүнө жардам керек.Балдарын чоңойтуу эле кандай түйшүк. Анан картайып алып дагы неберелерине жоопкерчилик алабы. Кемпирди ким багат? Кемпирдин алы жетеби бакканга?

Zumrudianka

2021-10-13 03:57:34

АЛЛАХ ЗООКУРЛОРГО КАРГЫШЫН КААРЫН ЖААДЫРСЫН

Комментарий калтыруу үчүн өз ысымыңыз менен кириңиз же каттоодон өтүңүз.