реклама
super.kg logo
  Спорт  

Футбол: Гүлжигит Алыкулов ойногон "Кайрат" клубунун футболчулары башкы машыктыруучусуна нааразы болушууда. Буга клуб жетекчилиги үн катты

 

Кыргыз футболчусу Гүлжигит Алыкулов ойногон коңшу Казакстандын "Кайрат" футболдук клубунун футболчулары башкы машыктыруучусу Курбан Бердыевге нааразы болушууда. Бул тууралуу клубдагы өздүк булактарына таянуу менен казак басылмалары жазышты.

"Алар тажрыйбалуу машыктыруучудан көбүрөөк нерсени күтүшкөн, бирок көйгөйлөр жалаң жыйынтыктар менен эле чектелбейт. Бердыев өзүнүн стилиндей эле 5 коргоочуну талаага чыгарууда. Бул күйөрмандарды кыжырдантат. Алар алгачкы эки беттештен кийин машыктыруучуну шылдыңдашты. Анын үстүнө күйөрмандар мурдагы башкы машыктыруучу Шпилевскийди кайтарып берүүнү талап кылышууда. Бердыев коргонуу футболун ойнойт. Буга футболчулар нааразы болушууда", - деген клубдагы өздүк булак.

Өз кезегинде "Кайрат" клубу бул маалымат чындыкка дал келбей тургандыгын расмий билдирди.

"Кайрат" футболдук клубу башкы машыктыруучу Курбан Бердыевди жана оюнчуларды клубдун жетекчилиги ар тараптуу колдойт. Бүгүн команда алдыдагы маанилүү оюндарга толугу менен даярданып жатат. Эртең "Кайрат" "Актөбө" клубуна каршы оюн өткөрүшөт", - деп билдирди "Кайрат" клубунун маалымат кызматы.






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(1)
15.10.2021. 18:24 
Тайпасы:
Жаран
Комментарийлердин саны:
529
Катталган:
10-08-2021
Соӊку аракети:
03-12-2021 11:53
Жынысы:
Белгисиз
+2
Гүжүнү лавкага тыгып койдуго бул тренери.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
181483;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: