Өткөн суткада Кыргызстан боюнча 24 өрт кырсыгы катталган

Өткөн суткада Республика боюнча 24 өрт кырсыгы катталгандыгы тууралуу маалыматты бүгүн, 11-ноябрда ӨКМнын басма сөз кызматы билдирди. Өрткө каршы кызматынын маалыматы боюнча Чүй облусунан -9 өрт, Ысык- Көлдө- 1, Жалал- Абадда -3, Ошто-3, Баткенде-1, Нарында-1, Таласта-1, мындан тышкары ОШ шаарында-1 жана Бишкек шаарында-4 өрт кырсыгы катталган.

Нарын облусунун Ат-Башы районундагы Жаңы-Күч айылындагы Ж.Кайыпов атындагы орто мектептин көмүр сактоочу жайындагы 500 килограмм көмүр өзүнөн- өзү күйүп кеткен. Ушул эле көрүнүш Талас облусунун Кара-Буура районундагы Молдо-Асан айылындагы Назар Мамбетов көчөсүндөгү орто мектепте да катталган. Тактап айтканда Б.Шамбетов атындагы орто мектептин кампасындагы 1 тонна көмүр өзүнөн- өзү күйүп кеткен.

Мындан тышкары Бишкек шаарындагы Манас көчөсүндөгү №97 көп кабаттуу үйдүн 9-кабатында өрт чыккан. Ашканадагы жана конок бөлмөсүндөгү эмеректер жана күнүмдүк керектелүүчү буюмдар күйүп кеткен. Учурда өрттүн келип чыгуу себеби иликтенүүдө. Ал эми Чүй облусунун Ысык- Ата районундагы Кант шаарынын Пушкин көчөсүндөгү №14 үйдөн чыккан өрттөн Т.С.А деген жаран каза болгон. Тактап айтканда, мештен чыккан өрттөн үйдөгү жууркан-төшөнчүлөрү күйүп, үй ээси кошо өрттөнүп кеткен.

Автор: Канымжан Усупбекова