Бритни Спирс АКШдан көчүп кетүү ниетинде экенин билдирди

Белгилүү ырчы Бритни Спирс америкалык сот системасынан жийиркенгенин, башка өлкөдө жашоону каалай турганын айтты. Бул тууралуу ал өзүнүн социалдык тармактагы баракчасына жазды.

"Мен мага акыркы 13 жылдагыдай мамиле кылуу үчүн эч нерсе кылган жокмун. Бул система мен үчүн жийиркеничтүү, мен башка өлкөдө жашагым келет", - деп жазган ырчы.

Атасынын камкордугунан бошонгондон кийин Спирс ката кетирүүдөн корко турганын да жашырган эмес.

"Мен муну төрт ай мурун биринчи жолу машинамдын ачкычын алганда сезе баштадым" деген ал.

Белгилей кетсек, Бритни Спирстин атасы Жеймс Спирс камкорчу макамынан сентябрь айынын аягында ажыратылган.

Автор: Айзада Кыдырмышева