ИИМ Ташиевдин Сузактагы үй-бүлөгө үйдүн ачкычын тапшырганын текшерет

БШКнын ыкчам чара көрүү боюнча координациялык тобу Улуттук коопсуздук комитетинин төрагасы Камчыбек Ташиевдин Сузак районундагы бир үй-бүлөгө үй белек кылганын Ички иштер министрлиги териштирерин маалымдады.

Маалыматка ылайык, Сузак районунун Барпы айылындагы Муратовдун үй-бүлөсүнө жеке үйдүн ачкычы тапшырылганы тууралуу маалыматты Пери Орозбекова социалдык тармактагы баракчасына жазып чыккан. Анда аталган турак жайды каржылоо жана куруу иштери Камчыбек Ташиев тарабынан жүргүзүлүп жатканы, андан ары Ташиевдин бир тууганы Шайырбек Ташиев №14 бир мандаттуу шайлоо округу боюнча шайлоого ат салышып жатканы белгиленген. Пери Орозбекова Кыргыз Республикасынын Конституциялык мыйзамынын 28-беренесинин 4-пунктуна таянуу менен, “...талапкердин жакын туугандары шайлоо дайындалган учурдан тартып шайлоонун натыйжалары жарыяланганга чейин кайрымдуулук иштери менен алектенген деп маалымдаган.

Орозбекова "жакшы, эми БШК буга кандай мамиле кыларын белгилейли, шайлоодо баары теңби же жокпу белгилүү болот", - деп белгиледи.

Бул боюнча Борбордук шайлоо комиссиясынын ыкчам чара көрүү боюнча координациялык тобу Улуттук коопсуздук комитетинин төрагасы Камчыбек Ташиевдин Сузак районунун Барпы айылындагы үй-бүлөгө үй белек кылганын текшерүүнү Ички иштер министрлигине жөнөткөнүн маалымдады.

ИИМ Камчыбек Ташиевдин Сузактын тургунуна үй бергенин текшерет

Автор: Жолдубек Качкынбаев

12:45 26-10-2021

Жазылуу

РУБРИКАДАГЫ СОҢКУ КАБАРЛАР

12:02 2025-07-26 | Коом жана турмуш

Алмамбет Шыкмаматов Coca-Cola`нын накта, накта эместиги кантип айырмаланарын көрсөттү (видео) 63 0

11:34 2025-07-26 | Түркүн дүйнө

Трамп Ким Чен Ын менен сүйлөшүүгө даяр. Кандай максатта? 189 0

10:50 2025-07-26 | Коом жана турмуш

Жаңы гимдин текстине 5 вариант тандалып, музыкасына сынак жарыяланды 340 0

10:33 2025-07-26 | Түркүн дүйнө

Камбоджада Таиланддын чабуулунан каза болгондордун саны айтылды 542 0

10:20 2025-07-26 | Кылмыштар, кырсыктар

"Эмне деген акмакчылык?" Жалал-Абаддагы жыйында УКМК компания директорун суракка алып кетти (видео) 591 0

09:53 2025-07-26 | Түркүн дүйнө

Улуу Британия Палестина мамлекетин таанууну жокко чыгарбайт 430 0

Архив

Комментарийлер (12)

Nurlan1982

2021-10-26 12:59:16

Чукумай,териштирмей,ичи тардык,деги качан онолот экенбиз,берсе бергендир эми,жакшы иш кылыптырго,уй берип.кайрымдуулук кылып.

Dembele84

2021-10-26 14:28:56

Nurlan1982, Текшериш керек ###### чукуп

Antiradikal3

2021-10-26 19:32:02

Nurlan1982, Сооп иш кылса кылган чыгаар. Бирок шайлоо астында бул иш-чара отуп жатканы эртелеп эле шайлоонун угут иштери башталганы эмеспи?!

Жайында болсо бир жон эле. Же шайлоо откондон кийин болсо бир жон эле...

Бир ок менен эки коен атабыз деп ойлогон да Ташиевдер.......

Apyn8793

2021-10-26 13:08:02

Азыр АКШга анан Текебаевке кызмат кылган адамдар Тащиевди тепкилеп эле жатып калышат))))

ayzhan12

2021-10-26 13:21:25

Карга карганын көзүн чукумак беле

Asmat84

2021-10-26 13:26:28

Пери Орозбекова колуңдан келсе сен да ушундай жакшылык иштерди жаса колуңдан келбейби бекем кысссып отур.

AdylbekB84

2021-10-26 13:50:04

Ташиевдин бир тууганы депутаттыка койбош керек эле проблеманын баары мына ушунда болуп жатпайбы.

Medina87

2021-10-26 14:19:06

Ал уй бир кундо эле курулбады да.
Кыш келгенче жылуу уйго киргизгенине кубанып куттуктабай, кайра Шайлоого шылтап Коро албастык кылуу Адамгерчиликке да жатпайт!

IOA

2021-10-26 14:29:32

Колунан келсе кайрымдуулук кыл,келбесе кысыып отур

bond02

2021-10-26 15:15:36

Бул жон гана Ташиев да законго баш ийет, Ташиевди да текшере алабыз деген оздору бийлик жактан коюлуп жаткан спектакль. Акырында Ташиев суттон ак болуп чыга келет.

Mister-XXX

2021-10-26 17:47:15

Ташиев жакшы адам.Бирок шайлоого туугандарын катыштырбашы керек.

-1

Antiradikal3

2021-10-26 19:54:36

Бут подхалим дакансалар чогулуп алып, коллективно Ташиевдин артын тазалап баштапсынар..... Жийиркеничтуу......

Комментарий калтыруу үчүн өз ысымыңыз менен кириңиз же каттоодон өтүңүз.