Казакстан ооган аялдарына транзиттик коридор берди

Казакстан Ооганстандан келген аялдар үчүн транзиттик коридор берди. Бул тууралуу Казакстандын Тышкы иштер министрлигинин басма сөз кызматына таянып казак басылмалары жазып чыгышты.

Маалыматка караганда, өлкө башчы Касым-Жомарт Токаев гуманитардык тармактагы эл аралык милдеттемелерди эске алуу менен Ооганстандагы сот, депутат сыяктуу мамлекеттик кызматтарда иштеген аялдардын, алардын үй-бүлө мүчөлөрүнүн үчүнчү өлкөгө чыгып кетүүсү үчүн транзиттик коридор берүү чечимин кабыл алды.

"Ооган аялдары үчүн берилген транзиттик коридор эл аралык бейөкмөт уюмдар менен биргеликте Алматыдагы аэропорт аркылуу ишке ашырылат", - деп айтылат маалыматта.

Автор: Айпери Бакталбек кызы