Бишкекте токтоп турган унааны айдап кеткенге шектелип 18 жаштагы жигит кармалды

Бишкекте милициянын кайгуул кызматкерлери унаа уурдоого шектүү жаранды кармады. Бул тууралуу милициянын басма сөз кызматынан билдиришти.

Маалыматка ылайык, 27-октябрда болжол менен саат 23:14 чамасында Бишкек ШИИББинин 102 кызматына Арча-Бешик жаңы конушунан унаа уурдалды деген маалымат келип түшкөн.

Айтылган дарекке ошол замат кайгуул кызматкерлери келип маалыматты тактаганда, 1998-жылы туулган Б.Б. аттуу жаран арыз менен кайрылган. Анда ошол эле күнү болжол менен саат 11:36 чамасында BMW 520 үлгүсүндөгү унаасын үйүнун жанына токтотуп койгон жеринен белгисиз жарандар мыйзамсыз айдап качып кетишкен.

Издөө иш-чаралары жүргүзүлүп, берилген багыттаманын негизинде Раззаков жана Токтогул көчөлөрүнүн кесилишинен унааны айдап качканга шектүү катары 2003-жылы туулган Ш.Б. аттуу жаран кармалып, Ленин РИИБинин убактылуу кармоочу жайына киргизилген.

Автор: Айсалкын Качкынбекова