Абайлаңыз сүрөт! Милиция жол кырсыгынан каза болгон жарандын өздүгүн тактоого жардам сурайт

Милиция жол кырсыгынан каза болгон жарандын өздүгүн тактоого жардам сурайт. Бул тууралуу Бишкек ШИИББинин басма сөз кызматынан билдирди.

Маалыматка ылайык, 29-октябрында саат 01:00 чамасында 1998-жылы туулган Ш.И. аттуу айдоочу БВМ-530 үлгүсүндөгү унааны айдап, Жаш Гвардия бульвары менен түндүк тарапты көздөй Москва көчөсү менен кесилишкен жерден өтүп бара жатып, жолдон өтүп бара жаткан кебетеси азиялык болгон 25-30 жаштар чамасындагы белгисиз адамды сүзүп кеткен. Натыйжада алган жаракатынан улам белгисиз жөө жүргүнчү кырсык болгон жерден каза болгон.

Маркумдун кийген кийимдери: жеңи жок кара күрмө, кара футболка, жылуу кара шым, кочкул көк түстөгү ич шым, кара байпак, бутунда боз түстөгү кроссовка.

Өзгөчө белгилери: бою 185 сантиметр, чачы кара, орто дене түзүлүштө.

Эгерде сүрөттөгү жаран тууралуу кандайдыр бир маалымат билгендер болсо Бишкек шаары боюнча төмөнкү номерлерге байланышыңыз.

Байланыш номерлери: (0312) 53-22-33, (0312) 53-01-81, (0553) 11-21-13, (0502) 22-24-12 жана 102

Автор: Жолдубек Качкынбаев