Гурбангулы Бердымухамедов оор жүк ташуучу унааны айдап көрүп, сыноодон өткөрдү

Түркмөнстандын президенти Гурбангулы Бердымухамедов Ашхабад-Түркмөнабад унаа жолунун ачылышында өлкөдө жасалган жаңы үлгүдөгү оор жүк ташуучу унааны жеке өзү айдап, сыноодон өткөрдү. Бул тууралуу чет элдик басылмалар жазып чыгышты.

Маалыматка ылайык, жалпы узундугу 603 чакырымга созулган Ашхабад-Түркмөнабад унаа жолунун Ашхабад-Теджен бөлүгүнүн курулушу аяктап, ага өлкө башчы Гурбангулы Бердымухамедов катышкан. Президент унаа менен жолдогу алгачкы кыймылды жасап, андан соң жүк ташуучу жана жеңил автоунаалар жаңы жол менен каттай баштаган.

Иш-чаранын жүрүшүндө өлкө башчы оор жүк ташуучу унааларды иштеп чыгарган "КамАЗ" компаниясынын өкүлдөрү менен да жолугушуу өткөргөн. Компаниянын өкүлү оор жүк ташуучу унаалардын жаңы үлгүсү жасалып чыкканын белгилеп, анын бирин президентке белек кылган. Ошондой эле унааны жаңы курулган жолдо айдап көрүп, сыноодон өткөрүүсүн суранышкан.

Өлкө башчы автоунааны жеке өзү айдап көрүп, сезимдери менен бөлүшкөн.

"Автоунааны айдап көргөн соң менде абдан жакшы сезимдер калды. Ал башкарууга абдан ыңгайлуу жана экономикалык, коопсуздук, экологиялык талаптарга толугу менен жооп берет экен. Мен эч кандай кемчилигин байкаган жокмун", - деп билдирген президент.

Автор: Жанбулат Жумабеков

13:46 31-10-2021

Жазылуу

РУБРИКАДАГЫ СОҢКУ КАБАРЛАР

17:57 2025-05-18 | Түркүн дүйнө

Сомалиде жанкечтинин жардыруусунан кеминде 11 киши набыт болду 277 0

17:23 2025-05-18 | Түркүн дүйнө

Зеленский менен АКШнын вице-президенти жылуу учурашышты (видео) 622 0

16:35 2025-05-18 | Коом жана турмуш

Өлкөдө 1200дөн ашык аялга Эне даңкы медалы берилет 357 0

16:28 2025-05-18 | Коом жана турмуш

Өлкө боюнча 1413 аял Баатыр эне ордени менен сыйланат 320 0

16:07 2025-05-18 | Коом жана турмуш

Мурдагы өкмөт башчы Сапар Исаковго чыгарылган сот өкүмү жокко чыкканы айтылууда 1223 0

15:36 2025-05-18 | Коом жана турмуш

Боом капчыгайы беш күн жарым-жартылай жабылып турат 350 0

Архив

Комментарийлер (6)

Kg-04

2021-10-31 16:05:34

Тугонгон диктатор

Baha.Kyrgyzstan

2021-10-31 17:08:59

Жашооле ушул адамдыкы экен ой жок

Gulina00

2021-10-31 18:22:51

Жардырып ийбептирда,ото эле бийик сезет озун.Элдери оло жаман корсо кк.

Misha77

2021-10-31 21:07:22

Gulina00,Жардырыш кыйын.

Egizderim-baktim

2021-10-31 20:39:13

Диктатор, артист деп жаман корчу элем. Бирок кандай болсо да мамлекетин онуктуруп алдыга суроп койду, кылган иштерин смело мактана алат экен. Менин оюм

Ak_Bulut

2021-11-01 07:46:59

Бүт эле өнүгүп атышат , бизчи

Комментарий калтыруу үчүн өз ысымыңыз менен кириңиз же каттоодон өтүңүз.