Жеңиш Молдокматов жубайы менен кызынын телефону тыңшалып жатканын айтты

Жеңиш Молдокматов жубайы менен кызынын телефону тыңшалып жатканын айтты. Бул тууралуу ал бүгүн, 2-ноябрда соттук отурумда билдирди.

"Менин аялымдын жана 11 жаштагы кызымдын телефону тыңшалып жатканы аныкталды. Биз атайын текшерип менин атымдан кызымдын телефонуна маалымат жөнөтүлгөн. Ошол күнү түнү менен мен отурган камерада тинтүү жүрдү. Мени президенттин коптуу оппоненти катары камашып кыйнашсын. 11 жаштагы кызымда эмне күнөө?" - деди ал.

Эске салсак, Жеңиш Молдокматов УКМК тарабынан кармалып, башында Ички иштер министрлиги Молдокматовго октябрь окуяларында Улуттук коопсуздук боюнча мамлекеттик комитеттин имаратын басып алууга аракет кылган деп айыптаган. Андан соң айыпты “массалык баш аламандык” беренесине өзгөртүшкөн. Азыр "атуучу куралды уурдоо же опузалап алуу", "бийликти күч менен басып алуу", "бийлик өкүлүн коркутуу же ага карата зомбулук" боюнча сотко чейинки өндүрүш иштери жүрүүдө.

Автор: Жылдыз Джускембаева