Бишкекте 19 жаштагы кыз окуучуну сүзүп, окуя болгон жерден из жашырган деп шектелүүдө

Бишкекте окуучу кызды унаасы менен сүзүп, окуя болгон жерден качып кеткенге шектүү кармалды. Бул туурасында милициянын кайгуул кызматы тарабынан белгилүү болду.

Маалым болгондой, 29-октябрда Эркиндик бульвары менен Чокморов көчөлөрүнүн кесилишинен Шевроле Спарк үлгүсүндөгү унаанын айдоочусу окуучуну сүзүп кеткен. Анын кесепетинен 2009-жылы туулган өспүрүм кыз жаракат алып, ооруканага жеткирилген.

"Издөө иш-чараларынын жүрүшүндө шектүү катары 19 жаштагы А.Ж. аттуу кыз кармалып, тергөө кызматына өткөрүлдү. Ал эми унаа айып короосуна токтотулду", - дешет кайгуул кызматынан.

Автор: Бактыгүл Момбекова
Фото: Милициянын кайгуул кызматы