"Бишкек "Ош базары" эмес". Баш аламан көрнөк-жарнактарды жөнгө салуу үчүн дизайн-код даярдалат

"Бишкек башкы архитектура" мамлекеттик мекемеси борбор калаадагы көрнөк-жарнактардын дизайн-кодун даярдоодо. Бул тууралуу аталган мекеменин жетекчисинин биринчи орун басары Марат Жороев маалымат жыйында билдирди.

Анын айтымында, дизайн-коддун жардамы менен шаардагы баш аламан көрнөк-жарнактарды жөнгө салуу бир топ жеңилдейт.

"Дизайн-код бул - калаадагы жарнактардын бардык түрүн бирдиктүү жасалгада чыгарууга мүмкүнчүлүк түзгөн документ болуп саналат. Бул абдан маанилүү документ. Биз анын үстүндө бир жылдан бери иш алып барып жатабыз. Бирок ар кандай себептерден улам аягына чыкпай келүүдө. Азыркы тапта коңшу мамлекеттердин көп шаарларында дизайн-коддор иштеп жатат", - деди Марат Жороев.

Ал ошондой эле документтин техникалык регламенти даяр болуп калганын, бир аптадан кийин тегерек стол уюштуруп кеңири талкуу өткөрүлөрүн белгиледи.

"Биз муну шаардык кеңештин деңгээлинде талкууга алууну каалайбыз. Документ нормативдик укуктук акт катары кабыл алынып, мыйзам деңгээлинде бекитилишин көздөп жатабыз. Себеби шаардык кызматтарга ыйгарым укук берилип, мүмкүнчүлүктөр түзүлүш керек. Бул жаатта мыйзам бузгандарга карата ар түрдүү жазалар белгилениши зарыл", - деп кошумчалады ал.

Мындан тышкары шаардагы баш аламан көрнөк-жарнактарды иретке келтирүү иштери жүргүзүлгөн соң эртеси кайра эле илип алып жатышканын маалымдады.

"Биз кайталанган мыйзам бузуулар үчүн айып пул салууга даярбыз. Дизайн-код жакшы натыйжаларды алып келет деген ишеничтебиз. Борбор калаанын көрүнүшүн жакшы багытка өзгөртүүчү программаларды ишке ашыра алабыз деп ишенем. Бишкек шаары "Ош базары" эмес", - дейт Жороев.

Марат Жороев ошондой эле бардык ишкана ээлерин шаардагы жарнактарды тартипке салуу иштерине түшүнүү менен мамиле кылууга чакырды.

Автор: Жанбулат Жумабеков

21:00 03-11-2021

Жазылуу

РУБРИКАДАГЫ СОҢКУ КАБАРЛАР

15:45 2025-06-08 | Коом жана турмуш

Белгилүү фотограф Эржан Кадырбеков уулдуу болду 88 0

15:30 2025-06-08 | Коом жана турмуш

Кара-Сууда асфальт жана бетон өндүрүүчү ири завод ишке кирди (видео) 117 0

15:05 2025-06-08 | Түркүн дүйнө

Индияда дүйнөдөгү эң бийик темир жол көпүрөсү ишке киргизилди (видео) 318 0

14:31 2025-06-08 | Түркүн дүйнө

Футбол жылдызы Неймар коронавируска чалдыкты 294 0

14:20 2025-06-08 | Түркүн дүйнө

"Кальмар оюндары" сериалынын режиссёру эки тишинен айрылган 282 0

13:58 2025-06-08 | Түркүн дүйнө

АКШда Лос-Анжелестеги башаламандыктардан улам демонстранттарга беткап кийүүгө тыюу салынат 458 0

Архив

Комментарийлер (1)

Mister-XXX

2021-11-04 15:21:47

Бишкек "Ош базары"эмес деген сөзүнө кандай түшүнсө болот?Ош базары эмне башка шаарда жайгашканбы?Бул сөзү трайбалисттик мааниде эле айтылган түшүнгөн адамга.
Ош базарын тартипке келтире турган силерсинер!Т.Сарыбашев Ош шаарын кандай тартипке келтирип койду.Келип көрүп кеткиле.Колунардан б.к келбейт,анан ар нерсени сүйлөйсүңөр.

Комментарий калтыруу үчүн өз ысымыңыз менен кириңиз же каттоодон өтүңүз.