Таятасы бийди "тытып"... Назбек Кенчинбаев менен Нурайым Азыкбаева кызына арнап той өткөрүүдө

Комузчу Назбек Кенчинбаев менен Кыргыз Республикасынын Эмгек сиңирген артисти, скрипканын чебери Нурайым Азыкбаева кызына арнап той өткөрүшүүдө. Анда түгөйлөр кызынын тушоосун кесип, кыргыздын ырым-жырымын жасашты.

Салтанат борбор калаабыздагы тойканалардын биринде уланууда. Анда ырчы Чолпон Талипбек той ээлерин, тушоосу кесилген Айбийкени залдагы коноктордун алдына "Тай-тай" ыры менен алып чыкты.

Тойго катышып, бата берүүгө шоу-бизнес, маданият өкүлдөрү, жубайлардын жакындары катышууда. Кечеде Айбийке кыздын таятасы Курмангазы Азыкбаев бийди "тытып" жатканын байкоого болот.

Назбек Кенчинбаев менен Нурайым Азыкбаева 2016-жылы август айында баш кошуп, 2020-жылы сентябрда кырк жылкылуу болушкан.

Автор: Бактыгүл Момбекова