Борбор калаадагы "Novotel" мейманканасынан чыккан өрт толугу менен өчүрүлдү. ӨКМнын басма сөз кызматынан маалымдашкандай, мейманкананын электр зымдары жана сырткы жасалгасы күйдү.
"Учурда өрттүн келип чыгышынын так себеби териштирилүүдө", - дешет мекемеден.
Бүгүн, 4-ноябрда Манас көчөсүндө жайгашкан "Novotel" мейманканасынын электр калканынан өрт чыкканы маалымдалып, өрт саат 16:12де чектөөгө алынган.
"Novotel" мейманканасы сентябрь айында гана ачылып, ишин баштаган.