Нарында эки жаран дайынсыз болуп изделүүдө. Алардын бири 9 жылдан бери табылбай келет

Нарында дайынсыз жоголуп кеткен эки жаран изделүүдө. Облустук ички иштер башкармалыгынан кабарлашкандай, алардын бири 9 жылдан бери дайынсыз болууда.

Изделип жаткан жарандын бири 1987-жылы туулган Рахат Жаныбеков. Ал ушул жылдын 19-октябрь күнү болжол менен түнкү саат 2:00 чамасында Тоголок Молдо айылындагы үйүнөн чыгып кеткен боюнча дайынсыз.

Рахат Жаныбековдун бою 165-170 сантиметр, чачы кара, кыска. Маңдайкы үстүндөгү эки кашка тиши жок, сол бутунун же оң бутунун кетменинде күйүктүн тагы бар.

Кийген кийимдери: Башында кара түстөгү кепка, үстүндө кара күрмө, эки жеңинде ак сызыгы бар спорттук кийим, кара түстөгү спорттук шым, бутуна кара түстөгү спорттук бут кийим.

Ал эми изделип жаткандардын экинчиси 1966-жылы туулган Казыбек Султаналиев. Ал 2012-жылдын 20-февраль күнү саат 07:00 чамасында Ак-Кыя айылындагы үйүнөн чыгып кеткен боюнча дайыны белгисиз болууда.

Белгилери: Бою 165-170 сантиметр. Оң колунун билегинде факелдин татуировкасы тартылган жана баш сөөгүнүн төбөсүндө 3 сантиметр тырыгы (шрам) бар.

2011-жылы башына оор операция жасалып, ошондон кийин эс-тутуму жабыркаган.

Аты аталган жарандарды көргөн, билгендер болсо Ак-Талаа РИИБине билдирип коюуну милиция кызматкерлери өтүнөт. Байланыш телефондору: 03537 92-1-87, 0502335445.

Автор: Бактыгүл Момбекова
Фото: Нарын ОИИБи